شهامة عتيبه
 

بسم الله الرحمن الرحيم
حدثت هذه القصة في عام 1400عندما سافر احد أبنا المنطقة الشمالية من مدينة عرعر إلى المنطقة الشرقية بسيارته الخاصة ويدعى نايف اللعاق العنزي وعند مروره بقرية النعيرية وكان الوقت ليلاً الساعة الحادية عشر سالكاً الطريق العام وفجأة يخرج أمامه قطيع من الأغنام فدهس منها أكثر من أربعين رأس قبل أن يتمكن من إيقاف سيارته . فأوقف السيارة على جانب الطريق وإذا براعي الأغنام يحضر وينهال على صاحب السيارة بالسب والشتائم. وحضروا رجال المرور فقبضوا على السائق لغرض إدخاله التوقيف ريثما يبدأ الدوام وينظر في القضية وقبيل مغادرة دورية المرور مكان الحادث ،وإذا برجل يتوسل إلى رجل المرور ويعرض كفالته لهذا المسافر سواء أكان حضورياً أو مادياً ومهما طلب منه عن هذا الرجل عابر الطريق. فقبلت كفالته وأطلق سراح نايف العنزي وهو لا يعرف ذلك الرجل الذي تدخل بموضوعه وعمل خيراً ، . وإذا هو يقول له سافر ياعنزي في طريقك وإلى أي جهة تريد وسوف أدفع كل مايترتب عليك :فقال العنزي للرجل الكفيل كيف يكون ذلك وأنت لا تعرفني : قال الكفيل : لا يهمني ذلك وإنما يهمني إحياء عادات العرب الطيبة، فقال العنزي : أسألك بالله العظيم ممن تكون ؟ فقال الرجل لا حاجة لك بمعرفتي ياعنزي ، وطلب منه هذا بإلحاح فقال: أنا اسمي عبد الله بن إبراهيم العتيبي من سكان قرية النعيرية. فشكره نايف العنزي وواصل سفره. وبعد مرور خمسة أيام عاد العنزي لكفيله العتيبي وأنهى دعواه مع خصمه صاحب الأغنام وبهذه المناسبة قال الشاعر/ طايف اللعاق العنزي شقيق صاحب القضية قال قصيدة نبطية وفاء واعترافاً منه لذلك العتيبي الذي عمل الجميل بدون سابق معرفة فيقول:







أكتب جوابي يـوم للقيـل فصلـت
بفعل العتيبي وأشهر الفعـل بالقيـل
وأذكرلك أسمه يوم قلـت وتمثلـت
أذكر لك أسمه وأرفع الصوت بالحيل
عبد الله إبراهيم ونعـم بمـا فعلـت
نعم إليـا عديـت فعـل الرجاجيـل
عـز الله إنـك يالعتيبـي تجمـلـت
جمالـةٍ تذكـر لجيـل وراء جيـل
لموضوع ابن لعاق شلت وتحملـت
مثل البليهي يرتكي لا أثقـل الشيـل
أنت الذي عنـه الصعيبـات ذللـت
ذللـت صعبـات المهمـات تذليـل
جيت وكفلتـه مـا تفطنـت أوقلـت
ماقلت ما أعرفه ولا لـي مداخيـل
وأنت الـذي للطيبـه مـا تجاهلـت
فعلتهـا يأبـن الكـرام المشاكـيـل
وكم قبلها من طيب الفعـل حصلـت
يوم الردي منهـا قليـل المحاصيـل
وأنت الذي في صفحة الجد سجلـت
قصـة شهامـة يابعـيـد النـاويـل
ياللـي علينـا بالجمالـه تفضـلـت
ترفعلك البيضاء بـرووس الشهاليـل
نرفع لك البيضاء إليا أقفيت وأقبلـت
عد النهـار وعـد مـا روح الليـل منقووووووووووول ترى

لاتخلونا من ردودكم الجميله

:
:
:




يستاهلون الجميل رجال مثل عنزه ، ويستاهل الناموس العتيبي..

لاهنت على القصةوالقصيدة.
:
:
:
:

الله لايهينك ياغالب الذيابي وشكرا على المرور

ولو ياعبدالله ماسوينا الى الواجب ولاهنت على المرور

مافي شك يا المرشدي كلنا شعب واحد ويستاهلون والله العنزة لانهم اهل الكرم والجود وهذه فعايل عتيبة

عبدالكريم الله لايهينك على المرور والرجال لرجال مافيها شك الوقفات هاذي

الله يعافيك ياسيف العرب

واشكرك على الرد الجميل

يارجال لو مشى هالعتيبي يبي يدري العنزي انه عتيبي ؟؟؟؟ وش حده على الجمالة وهو مايعرف عابر السبيل .... اقسم بالله المهلك المدرك ان اللي رضع من ديد حرة انه يسوي مثل ما سوى العتيبي اما الردي والله غير يمشي ويقول وش دخلني ؟؟؟


وعز الله ماهي غريبة على قبيلة عتيبة الطيب والشهامة كفوا بهم حاضرين وغايبين ...

المرشدي سلمت طال عمرك على النقل لأن مثل هذه القصص تحيي حب الجمالة بقلوب الرجال بعدما كادت تندثر... تحياتي لجنابك العزيز ...

عبدالمحسن ماعليك زود
والله وستين نعم فيكم يالعنوز وكل قبيله لها حقا
واشكرك جزيل الشكر على الرد الجميل

تقبل تحياتيf

ياالمرشدي الله يعطيك العافيه ياسنايدي

والله المطنوووووووووووووووخ

بيض الله وجهه على فعله الطيب

وبيض الله وجه العنزي اللي ما جحد المعروف واثبته بقصيده تتناقلها الاجيال

وبيض الله وجه اخوي المرشدي على الاختيار المميز

تحيتي

الله يبيض وجهك على الرد الجميل

الله يعافيك انت ياسنايدي يابو طايع على الرد

ياالمرشدي مشكور علي القصه الرائعه ولك مني كل التقدير والاحترام

هذي عادات العرب سلوم واخلاق من الدين مستمده

هالعلم لايمكن ان تنساه الاجيال اكثر من ثلاثين سنه وهالحين نكتب عنه ونذكره

والرجل حياته خساره ان ماكسب ونعم دين واخلاق والا الباقي فاني

تسلم وسلمت اناملك

يعطيك العافيه