قم يا علي والليل باقي وتوّه = ثم شب ضوّك صاحبك شب ضوّه
خابرك رجل ٍ فيك دين وحموّه = هذا الصحيح وقولوا اللي تقولون

قم يا علي نبغاك في موضوع = و الضاهر الموضوع تدريبه
الذيب لا يقضي علآه الجوع = ابك افزعوا له يا معازيبه !

الليل توه ماسرى ياجماهير //وياصاحبي نواف يالله عسا خير=
بعد زهمت العود مابه معاذير// هذا الصحيح وقولو اللي تقولون=
ماني مجامل والزعل ممنوع=واللي يعد الحق ياطيبه!!
نبا نكلم ريس المشروع= وان ماتجاوب نزهم اعتيبه!!

البارحه سور المقابر طمرته = ومريت قبر الميّت اللي قبرته
يا ليت هاك اليوم ربك ذكرته = هذا الصحيح وقولوا اللي تقولون

العام الاول صوتكم مسموع = واليوم راح الصوت يا شيبه !
حبل الرجا واصل مهو مقطوع = مار الجبل عانه عوى ذيبه !

لاتطمر الاسوار منته بمجبور//تراك يانواف منهي ومامور=
خلك على منهج حبيب ومستور//هذا الصحيح ---------=
الشيخ قدره عندهم مرفوع= مافيه احد يرفض مطاليبه!!
يجيك مطلوبك خلال اسبوع=واللي تباه بجهده يجيبه!!

المشاركة الأصلية كتبت بواسطة نواف الشيباني+ (المشاركة 1140422) صحو الالسن

قبل الجنازه لا تجي في نعشها = الداب جاها فالخفى ثم نهشها
ثم ّ أصبحت كبده تزايد عطشها = هذا الصحيح وقولوا اللي تقولووون

حنا نعرف الشيخ حسن طبوع = لكنّ زوّد في مشاهيبه !
نذبح لكم حاشي مهو جربوع = كان الجمل زانت مشاريبه !

لاوالله الا راحت ارباع وانصاف// وان كان علمك صدق هذا يانواف=
والله مانرضى على مثلك اخلاف//هذا الصحيح----------=
لن كان شيخ ولا منه منفوع= لاعاد موالك تغنيبه
لاتقعد اعيونك تهل ادموع= الصقر يشبع من مخاليبه!!

آنا ماجيب الا العلوم الوكادي = يا شاعر الثبتان خل الدوادي
وأنت الصحيب اللي يحب المعادي ! = هذا الصحيح وقولوا الي تقولووون

ان كان ما ينفع عرب وربوع = ما عاد له في دارنا هيبه !
ترى الوضع ما هوب ( حبة كوع ) = العود لا ينفخ لغابيبه

خابرك رجل ٍ فيك دين وحمـوّه؟=
وأنت الصحيب اللي يحب المعادي ؟=
------------------------------------=
لاوالله الا راحت اعلومك اعلوم// والظاهر انك تالي الليل منجوم=
لنت بصديق ولانعدك من القوم //هذا الصحيح------------=
ماطايرات الا وهن وقوع=بالهون قبل اطيح فمصيبه!!
الحبل فوقك مثني ومربوع=وعلمك مابين الشك والريبه!!