سلام الله سلام يشمل الاقصين والادنين=ويشمل عزوت الجذعان حاضرها وغايبها
انا وياك يابراهيم مثل النار والبنزين=ليا منا قربنا من بعض شبت شبايبها

المشاركة الأصلية كتبت بواسطة مطني الحافي (المشاركة 1139665) خلف انت خابر اللي يقول زد صدودك صدود ولاتعود..خلك ابعد علي من السما هههههههههههه ارحب ارحب ياحبيب الشعب تراني مغر امزح . .

هلا يا مرحبا ترحيبة الوافين بالوافين=تعم اعيال حافي من صغيرها لشايبها
تشب النار من ناري عسى ربي علاك يعين=ليا منك قربت النار من يطفي لاهايبها

مدام انَا على ماقالو العربان خشم وعين=ابمزح معك وانته يارفيقي لاتخربها
انا دوبي دريت ان اكثر الجذعان نصابين=ولولا صاحبي براهيم يمكن مادريت بها

أنا ماني بخابر ناقةٍ ولدت لها بثنين=سوالفكم نياقٍ عفر تزهاها جنايبها
لعبتوا فالقوافي والمعاني مثل أبو حدين=اعرف أن الجنايز فالمقابر من نصايبها

نياقك يالجذع باربع ديوس ولا لها قرنين=على درب العرب من مرها لابد يحلبها
ليامن صرت مانت بلاعبَ مثلي على الحبلين=نصيحه يابراهيم الجذع لاعاد تلعبها

المشاركة الأصلية كتبت بواسطة مطني الحافي (المشاركة 1139738) نياقك يالجذع باربع ديوس ولا لها قرنين=على درب العرب من مرها لابد يحلبها ليامن صرت مانت بلاعبَ مثلي على الحبلين=نصيحه يابراهيم الجذع لاعاد تلعبها

تلد يسار والا يا ولد حافي تلد يمين=عليكم ريح صرصر دوبها هبت هبايبها
انا لي وجه واحد كان لك يا صاحبي وجهين=نصيحه لا تعرض عالمٍ ساقت ركايبها

صح لسانك يالجذع تراني انوقز في صفك ماشفتني انا راع البل