|
وســــم المهيلب
يقولون حضري ولا يعرف البل فتبادر لذهني سؤال هل للمهيلب وسم !! !! |
وسمه وسم المهالبه ...
|
تقوله عن درايه وعرف
ولا خراص وان كان للمهالبه وسم معناته انهم اهل ابل فليه هالموجه التهكميه ضده وليه التجني في حقه !! المهم يالغالي ان كانك تعرف لهم وسم علمنا به |
ياطويل العمر المهيلب قصيمي ونياقه شاريها من عتبان ودواسر وقحاطيين يعني هو مهوب راعي نياق اساسا لكن كان يبي الشهره وقالوله زاين وتشتهر وفعلن اشتهر والله يوفقه ويرزقه
|
الموضوع لم يوضع للانتقاص!! ولاني متابع جيد للابل والانساب لكن استفسار للعلم وللبحث عن حقايق |
ماستنقصناه الرجال ونعم راعي خير الله يرزقه لكنه من اهل القصيم واهو اساسا ماله علاقه في الابل عنده فلوس والله يزيده وحب يزايين مافيها شي
|
ماحد يمنع احد من المشاركه او اقتناء الابل لكن انا اتسائل فقط !! وافهم من كلامك انه ماله وسم!! لكن هل فعلا مالهم وسم!! ولا الامر توقع منك لا اكثر |
هو مهوب بدوي علشان يكون له وسم لكن شاريها من دوسري وعتيبي يعني مخلط من القبائل هو حضري من حضر القصيم رازقه الله والله يزيده ويتصدق رجل فيه خير وعنده هوايه انه يشتري نياق
|
سمعت انه يرجع شريف وان كان شريف وسمه من وسم الاشراف,,,,,
|
راح للحروب وقال انا حربي وطردوه وراح للدواسر وقال انا دوسري وطردوه
|
:
: : أنتسابه للاشراف قريب مايتعدى أشهر، ويمكن الرجال عنده دلائل ، المهم ولد عمه يقول حنا من القصيم .. وتعليقاً على صاحب احد الردود يقول الحضر مالهم وسم ، الحضر لهم وسم مثلما للبدو. :: : : : |
اتوقع ان وسمه
mh |
اتقوا الله يااخوان
سواء كان له وسم والا ماله لايجوز التنقيص من اخيك المسلم واللي سمعته انه من الاشراف وقد قالي احد الاشراف من الشنابره ان المهيلب يرجع للأشراف |
نعيد ونكرر ونذكر لم نقصد الاساءه ولا الانتقاص والمهيلب رجل فرض نفسه في مزايين ام رقيبه وقلب ظهر المجن .. وغير المعادلات وسبب ضجه وتسبب في انسحابات وكل هذا في فتره وجيزه اصبح من خلالها من كبار الملاك ويملك خيار الابل لكن التساؤل هنا .. هل له وسم سابق !! ام انه استحدث وسم جديد!! ام ان منقيته بلا وسم!! وعلى فكره.. مش ضروري تكون فاهم في الابل.. فالفلوس ..خير من يفهم ..ولها الكلمه الطولى ومزايين الابل لم يعد حكر وحصر لابناء للباديه فقط بل اصبح يستهوي كل طالبين الشهره والبروز و مش بعيد ..نجد في السنه القادمه عبداللطيف جميل وموسم البل ..بوسم تايوتا او لكزس :) ولاغرابه لو يدخل في عالم الابل نظام التأجير بالتمليك |
الله يرحم بداح العنقري
يقول الطيب ماهو قسم للضاعنينا =مقسم بين الوجيه المطاليق المهيلب رجل حطله منقية وبرياله والله يوفقة وان كان من الاشراف والا طرش بحر الرجل من يقول انا وليس من قال ابائي واجدادي وسمه الله اعلم انه حطة في قلوب هل المغاتير يسمونة البدو النعش |
اقتباس:
وانت ياعتيبي صاحب الطرح وش معنى المهيلب بالذات .. ياخي عندك عامر النهدي ، وال الشيخ ، واليحيا ، مانشدت عن وسومهم .. ان كان قصدك الوسم بسيطة.. يستحدث الرجال وسم في ثواني. ويحطه على البل.. وان كان قصدك المهيلب شخصيا .. اشوف ان مالاحد فضل عليه ، الدراهم حققت معجزات ماهيب 50 او 100 ناقة |
يحط الجدعة على أذن الناقة وخلصنا !!
|
الرجال وسمه وسم العبادلة من الاشراف لكن العلم عند الشاهد وش بيكون شاهده
|
اقتباس:
انا استفسر عن وسم المهيلب.. لا ارتكبنا جرم ولا اسئنا للرجل ولا دخلت في نسبه!! ولا ظنتي السؤال عن الوسم ..اساءه فلو مثل سئلتك عن وسم الذيبه ..فيها اساءه لك!! قطعا لا..بل بتكون متنومس بالرد اما بخصوص الابل..ومزاينها..وحضوره.. فالرجل صفوه..وفايت..وحضوره يدرابه ويضرب له الف حساب..وغير موازين ولا ظنيت ان اللي وضعت اسمائهم كانوا بقوة ونقوة حضور المهيلب ويبقى المهيلب رجل ونعم استثمر امواله في الصيت الطيب وذاع واعيد واكرر ان الموضوع بعيد عن الاساءه لاي شخص فياليت ناخذ الموضوع باريحيه وبمحاسن الظن |
اقتباس:
خلصنا من الوسم وطحنا في الشاهد :) اضافه قيمه ياسويلم الشيباني ودام وسمه وسم العبادل ...فأنعم واكرم بالعبادل وبالكل والحروه انه منهم |
بدون تجني واستنقاص بحق الرجال ابراهيم المهيب شريف من الاشراف ووسمهم معروف
لاكن اباعره كلها شاريها وقريبا يبي يجي انتاج لـ اباعره وتشوف وسمه .. والسلأآم |
السلام عليكم ورحمه الله وبركاته
بنسبه لوسم المهيلب فهو مبتكره يضع حرف m اللي هو اول حرف في اسم محمد ابن ابراهيم المهليب وايضا حرف H المعبر عن رقم واحد ودائما الحرف ذا موجد في الساعات بدال رقم واحد والمهيلب من قبيله الاشراف ومن سكان القصيم ورجل كفو كبقيه رجال القبائل وارخص الريال يوم جا مداحم الرجال |
اقتباس:
الخال علي الدعجاني لم يبقى إسم من أسماء الأشراف إلا ومر علينا . المهيلب أنا أستبعد أن يكون من الأشراف . هذا الشنبري الي قال لك يبي التقرب من المهيلب ههههههه عموماً ياخال المهيلب يبي الشهره وحصل عليها بالمال . والطيب ماهو حكر لبدوي دون حضري والرجل هوايته غانمه وعلمه غانم حسب ماسمعنى عنه والمثل يقول . من حصل على شيء يستاهله يقول بداح العنقري البدو واللي بالقرى ساكنينا=كلاً عطاه الله من هبَت الريح تحياتي |
اغلب ابل المهيلب
على وسم راعيها الاول واخي / وصل الشهيب سمعت ان المهيلب من اشراف سبيع بمعنى ان قبيلة سبيع لها اشراف وكذلك بني الحارث |
اقتباس:
إذا كنت تقصد الأشراف اللي عايشين مع سبيع فالخرمه فهم آل لؤي وإبن لؤي عبدلي من أشراف الطائف وهناك مثل ماتفضلت أشراف الحرَث وليس بني الحارث وهم أهل المضيق ضواحي مكه المكرمه أذكر لك من ألقاب الأشراف العبدلي والشنبري والإدريسي والفعر والجودي والحسني والبركاتي. وآل زيد .ويمكن سهيت عن بعض الأسماء أما أشراف الحرَث فهم يكتبون الشريف الحارثي لي شخصياً أصدقاء من جميع الألقاب اللتي ذكرتها لكم . ماعمري سمعت المهيلب إلا في مزاين أم رقيبه وسأتصل بكره ببعضهم وأسألهم عن المهيلب. والأشراف كانوا يقدمون اللقب على الإسم . مثل / الشريف فلان بن فلان الفعر الشريف فلان بن فلان العبدلي الشريف فلان بن فلان البركاتي وهكذا . حتى صدر أمر وزارة الداخليه بمنع تقديم اللقب على الإسم.وأصبح يكتب ببطاقاتهم فلان بن فلان العبدلي الشريف أو الإدريسي الشريف وهكذا.وهم من أشد الناس تفاخراً بلقبهم ولو أن المهيلب من الأشراف ماكان جده قدم المهيلب على الشريف و ماظهر إلا بإسم الشريف ولاكان سمعنى بالمهيلب إطلاقاً عموماً أصبح المهيلب من الأسماء الشهيره وإذا كان يخرج زكاة ماله ويساعد المعوزين فبشره بالخير ويستاهل قال بديوي الوقداني المال يحيي رجالاً لاحياة إبها=كالسيل يحيي الهشيم الدمدم البالي تحياتي |
وسمه الملاحظ +
ويبدو والله أعلم انه من ذوي لوي حيث شوهد بعض من الاشراف ذوي لوي بمخيمه وعرضه |
اقتباس:
وسمه الصليب . المفروض يمنع وإلا يغير الوسم إذا كان شوهد بعض ذوي لؤي في مخيمه قل عليه السلام .ههههههههههه يشرفونه بكم مليون إن ماأصبح المهيلب ماهو من جماعة المشيقح راعي مصنع الألبان .تراني ماأجيك بالعلم . تحياتي |
^^^^^^^^^^^^^
وانت وش علاك منه يابناخي اتركوا الرجال في حاله تراه مسلم |
اقتباس:
والله العظيم ماني حاسده ياخال والحضر هالأيام كلهم يتقربون من البدو . والبدو إلى شافوا رجال عنده ملايين قالوا أنت ولد عمنا هههههههههههههههههه تحياتي |
| الساعة الآن »05:57 AM. |
Arabization
iraq chooses life
Powered by
vBulletin®
Version 3.8.2
.Copyright ©2000 - 2025, Jelsoft Enterprises Ltd