ياسلامي على اهل المنتدى بالعموم=والخصوصي يخص عناد قرم العيال
امس يابو محمد يالعلك تدوم=شفتلي بيت رجالٍ ولابه رجال

ياهلا مرحبابك عد برق الغيوم=بالنيابه وعني يابعيد المنال
عقب ماسقت ذودك لاجل كشف العلوم=الرشا ثبته ياهيه فوق المحال

البقاء وانت بيّن فوق روس النجوم=والله يعلم بغيب سود الليال
فوق روس المجنن حولي يانجوم=وانت تدري وش اللي في بطون الدلال

يابيض الوجه.. طير العرف عانه يحوم=مير وجهتك يم اليام والاشمال
انت واضع قوانينٍ ماهي فالسلوم=وان فتلت الحبال انجيب نقض الحبال

نعرف الحر حر ونعرف البوم بوم=وجهتي تترك الهزله وتنصاء الجزال
الشجيعين ماتدخل بيوت الرخوم=وانت وشفيك ماجاوبت قد السوال

عارفين الحرار وزاهيات الرقوم=شرهت الله على البقشه وراع الجمال!!
عوم فالبحر ياضاوي مدامك تعوم=جاك ردي لكن ماتفهم انت احتمال