طلبتك ياعليم بسر خلقه = الا يالله ياجزل الوهايب
تسيرني على درب الهدايه = وتقبل توبة اللي جاك تايب
تونسني بدار ٍ غير هاذى = ليا حطوا على قبري نصايب
بعدها شفت شي ٍ في زماني = يقود المعرفه قود الركايب
غريب الوقت من غبر الليالي = يخلي راعي الافكار شايب
اشوف الوقت اله روحه وجيه = يصافقنا مثل صفق الهبايب
ليا منه صفى لي في شرابه = مثل كاسٍ عليه الشهد ذايب
تعكر ثم حاس الله مريره = تغثبر مشربه ما هو بطايب
انا فالوقت الي بعض التجارب = وانا في وقتنا شفت العجايب
ابا اذكر بعض ماشفته وعفته = يزيد بداخل القلب اللهايب
لقيت طبوع فالعالم غريبه = و يظهر تالي الدنيا غرايب
علامات النهايه قد بدت لي = بعد ما شاخ سكان الخرايب
وصار الشور للي زاد ماله = وراع العرف ما رايه بصايب
وابه ناس ٍ تعلى بالمهايط = وهذي يا عرب والله مصايب
وكم واحد يغر الناس زوله = وهو علة نحر قربه نشايب
اثر حقد الاعادي شي عادي = لقيت الموت في حقد القرايب
يكن الكره في صدره يكنه = ولو انه ضحك بالسن خايب
عليك يشن غاره فوق غاره = يجند لو تبي عدة كتايب
تفقد واش وراء هذا التجافي = ولا تلقى خطاء والا سبايب
تعلي مركزه ودك تعزه = تدافع عنه في حاضر وغايب
ويهدم كل صرح قد بنيته = ولا يدري ولا يخشى عقايب
ليا منك نخيته ما ليقيته = يبي يشقيك في كثر الطلايب
وشفت اشكال ياربي دخيلك = على درب الردى شبت شبايب
يشبون الفتن شب الفتيله = وتبلش بين موشيها وعايب
هذا بعض النماذج واسمحولي = تخلي راعي الافكار شايب
اخير القول اصلي ثم اسلم = على خير البشر عد الترايب

المشاركة الأصلية كتبت بواسطة نايف المغيبي (المشاركة 1136946) متعب ثواب الجعيد بيض الله وجهك على هذه القصيده الرائعه حقآ ولك نحيتي

المشاركة الأصلية كتبت بواسطة وصل الشهيب (المشاركة 1136964) الأخ الشاعر متعب بن ثواب الجعيد صح لسانك وسلم بنانك وجاد بيانك حكم ونتاج تجارب وسبك أبيات غير مستغرب من شاعر تتلمذ بمدرسة ثواب الجعيد رحمه الله سلمت ودمت شاعرنا تحياتي

الأخ متعب

قصيدة والدك رحمه الله اللي منها

إلى آخر القصيده

فضلاً لاأمراً

نبيها كامله في قسم القصايد المنقوله هنا في

منتدى قبيلة عتيبه الهيلا

لأنه رحمه الله من كبار شعراء القبيله وقصايده منها فائده للجميع

تحياتي

المشاركة الأصلية كتبت بواسطة وصل الشهيب (المشاركة 1137345) الأخ متعب قصيدة والدك رحمه الله اللي منها العشر الأولى عشت مع والديه=الله يجازي الوالدين حسنات وعشراً رعيت البل والخيل والغنم=ومصافق العمان والعمات وعشراً سبح غصني وعانقت للهوى=واخذت ببحور الهى سجات وعشراً لجلب الرزق شمرت ساعدي=والأرزاق ماياتن بالقوات إلى آخر القصيده فضلاً لاأمراً نبيها كامله في قسم القصايد المنقوله هنا في منتدى قبيلة عتيبه الهيلا لأنه رحمه الله من كبار شعراء القبيله وقصايده منها فائده للجميع تحياتي

متعب صح لسانك قصيده رائعه تحمل من الحكم الشي الكثير

ولا يالله يامنشي السحايب = وقابل توبة اللي جاك تايب
ولا يالله تفرج همي الي = مخليني مع الاقران شايب
وحالي من صروف الوقت كنه = كما عود ٍ تصافقه الهبايب
صبرت وباح صبري كم ابصبر = وضاقت بي وسيعات الجنايب
اجامل وابتسم للي نشدني = وانا قلبي من الاحزان ذايب
سبب هم ٍ لجا بين الحواني = وشب النار فيها واللهايب
ولا يطفي لهبه الا دموعي = ليا ضلت على خدي سكايب

المشاركة الأصلية كتبت بواسطة الصويت الثبيتي العتيبي (المشاركة 1137111) بيض الله وجهك على هذه القصيده الرائعه