سلام رديّـة وفا تاتي من النوع الثمين = رديّـة ٍ تنزه عن الهزل وعن النقصانيه
محمد ابن سعيد شاعر مايجيب ألا السمين = والجزل مايستغرب أليا صار من قحطانيه

المشاركة الأصلية كتبت بواسطة ركيان مسعدالمغيبي (المشاركة 1136486) صح لسانك ناصر وصح لسان القحطاني واصلو

المشاركة الأصلية كتبت بواسطة النفيلي (المشاركة 1136487) ربك موجود وش معناها يعني يقصد عساه موجود

المشاركة الأصلية كتبت بواسطة نــاصـر الـهـاجــري (المشاركة 1136504) مثل ما قلت اقصد فيها عساك موجود والاسلوب هذا معروف عند اهل الجنوب الليل الليل عسى الله يجيبك يالقحطاني

يامرحبا ترحيبت(ن) كالعين يضفيها الجفين =والهاجري يومن حضر هلت به الميدانيه
توكلنا على الله وانت سوق القافله ذلحين=وأهل الوفى تعرف هل الميراد عند السانيه

دام البقا والطيبه من حظ ربع ٍ طيبين = وتبقا ميادين الوفا لاهل الوفا عنوانيه
سهيل نجم ٍ تقتدي فيه العرب والمسلمين = لا غاب نجم سهيل من بيقدّي العربانيه

الطيب طيبك وانت لك يمناً مع جنب(ن) متين=ادحم به العربان لا تخشى من العدوانيه
اسهيل تابع للجدي واهل الجدي متواعدين=مسرى هل الطاله على ذيك الغصون الدانيه

لو طال عمر الآدمي لابد تاخذه السنين = والعمر يفنا يا عميلي بالحياه الفانيه
جدّك سميّك يامحمد كان له نعم اليمين = مكان مثله فالسما من فوق هالبدوانيه

ليث الوغى لامن حضر في موقفه ماله عوين=ارسم وانا بازهيي الصوره بكل اللوانيه
الموت حق وكلنا نصبر على مافي الجبين=والصبر محمود العواقب من صبر ظفرانيه

نجوم واجد فالسما لكن ما مثل الثنين = نجم الجدي من فوق ساطع واليماني ثانيه
كل ٍ يبا يصبر وربي يب يعين الصابرين = والصبر مذكور ٍ بكتب الله والقرآنيه

ماني بحب الموقف اللي يتبعه كثر الونين=والطير يوم انه يطير ايفلل الجنحانيه
ياذيب وش علم العرب تاخذ على الشاري ضمين=ما تاثق بعملته والعمله على الميزانيه

علوم تال الوقت صارت بين زين وبين شين = مدري عصا موسى بيده او خاتم سليمانيه
يالله تنصر دولة الاسلام وناس ٍ مومنين = وتدحر رجال الكفر واهل الكفر والطغيانيه

الحمد لله وابن عمك حايزن دنيا و دين=ورث الجدود الاوله ورثتها ورعانيه
الشمس نور(ن) للقمر والا القمر مافيه عين=مال القلوب اللينه ياكود عوج الحانيه

كفو كفو يا مسندي لا جات فزعات اليدين = ورثت قولت نعم من عم ٍ وابو وجدانيه
يا شاعر ٍ بالشعر تحسب من ربوع ٍ وافيين = الحرف منـّـك جزل والحانك تهيض اشجانيه

لا ما عليكم زود زود(ن) لنا في كل حين=واللي يحج البيت يرمي علا الشيطانيه
كيف الهوى والا الهبوب ابتدت يسر ويمين=يا شاعر(ن) نعرفك بالقول و الالحانيه

المشاركة الأصلية كتبت بواسطة نــاصـر الـهـاجــري (المشاركة 1136553) محمد سعيد القحطاني بيض الله وجهك شاعر جزل و وافي تشرفت باللعب معك والختام عندك والى لقاءات قادمه باذن الله وسا محنا على القصور

المشاركة الأصلية كتبت بواسطة الصويت الثبيتي العتيبي (المشاركة 1136638) صح لسانك ناصر وتقبل تحياتي \الصــــــــــ الثبيتي ويــــــــــــــت