سلام في حلة عتيبه=رعادها كِل ايحكيبه
با اقولها ماهي غريبه=والشور عزك من يدله

الصيرفي يصرف رياله=يصرف ذهب من حُر ماله
وبنت الهوى صارت حلاله=والشور عزك من يدله

يا مرحبا ترحيب وافي كافي بكل احوال كافي=والسيل ما يتبعه سافي والشور عزك من يدله
اليا حظر للعرف عراف جا للمعارك وسط واطراف=يا الشاعر اللي مابه اخلاف الشور عزك من يدله

ابك البقا والله يقبل=بعض العرب يقفي ويقبل
لد النظر يم المهبل=والشور عزك من يدله

كم واحد(ن) مافاد سيفه=لو كان مابايع حليفه
ميقاتكم فا بو حنيفه =والشور عزك من يدله

المشاركة الأصلية كتبت بواسطة فلاح القحطاني (المشاركة 1135918) صــــح لـــسانكـ وفي انتظــــــــار الشعـــراء

المشاركة الأصلية كتبت بواسطة معجب العتيبي (المشاركة 1135937) ابوسعيد او نايف صحة الالسن

أنته علامك تخلف الراي وتضيع الرايح من الجاي=قدام لا اقول الك بي باي الشور عزك من يدله
أنته بليا سيف ساري لو ما اتحيزم بالسواري=تسري تتوع امع الغداري والشور عزك من يدله

هذا الجذع فعلاً مميز=ماخذ عصى معها ايتعنز
مدري عمى والا ايتعزز=والشور عزك من يدله

ضاعت سنه خلف المطيه=يا جعل ماترجع هنيه
اخذ الحذر وارقى شويه=والشور عزك من يدله

من فعلنا حاضر وماضي ضاقت بكم سبع الأراضي=ما لك على الفعل اعتراضي والشور عزك من يدله
منته مميز يا قحطاني عشرك معي راحت ثماني=وأنته تشوش بالأذاني والشور عزك من يدله

انته جذع رابع ثلاثه=ذا الراس جثينا جثاثه
و جبت الثمر بعد الحراثه=والشور عزك من يدله

السيل جالب معه ديمه=عادت حليمه للقديمه
باقي سواليفك عقيمه=والشور لا لا ما تدله

المشاركة الأصلية كتبت بواسطة عبد الكريم العازمي (المشاركة 1135953) صح اللآسن ومتابع لكم

وأنته مع اللي مات مده والله بعد ما مات رده=ما يمشي الا معه عده والشور عزك من يدله
أن كان ما تعرف هدفها ما كل رجالٍ صدفها=يجيك من يلعن جدفها والشور عزك من يدله