اقرب هنيا يابراهيم الجذع مسراك طاب=نبا نسولف معك و نوجهك لدروب السنع
حنا ترانا اهل المواجه مانذل ولا نهاب=ان كان عندك علم ثاني يابراهيم الجذع

حنا ترانا اهل المواجه مانذل ولا نهـاب
ان كان عندك علم ثاني يابراهيم الجذع


هههههه


صح ألساااااانك يابرآك

كايف والطاروق كايق

وصح ألساااااانك الجذع

اليا قربنا رحت يا براك مرواح الغراب=اللي تقفاه الهوى ثم اقلعه يوم ارتفع
نعمٍ بكم يا صاحبي لو كان ما نحسب حساب=كم واحدٍ من ضربنا بالسيف في دمه نقع

المشاركة الأصلية كتبت بواسطة ابراهيم الجـــــذع (المشاركة 1135889) اليا قربنا رحت يا براك مرواح الغراب=اللي تقفاه الهوى ثم اقلعه يوم ارتفع نعمٍ بكم يا صاحبي لو كان ما نحسب حساب=كم واحدٍ من ضربنا بالسيف في دمه نقع

مايرتفع فوق الطيور الحايمات الا العقاب=اللي تحاشاه الطيور اليا ارتفع واليا وقع
ولم نبا ناخذك في طرقه تحف ابها الصعاب=حتى نقرر عنك وش تطلع سبع والا ضبع

خابرك يا براك حرٍ ما كره روس الهضاب=لكن نجمك يا عميل الخير ما شفته لمع
ما هو ب أنا من يطرد اعلومٍ مثل ضوح السراب=مير أنتبه راع الطمع دايم يضيع ما جمع

انته تبا تزرع و تحصد كل ما لذ و طاب=لكن ما كل ٍ يبا يحصد ليا منه زرع
ترى البحر ماهوب يابراهيم صالح للشراب=كم واحدن طب البحور المظلمات ولارجع

أحيان تنطق بالخطا وأحيان تنطق بالصواب=لو كنت عبدٍ كل ما صلى قبل يسجد ركع
مدام تدري وش يعرضك البحر وأنته شباب=اللي سواتك ما عرفنا كم من بحرٍ قطع

احيان عينك فالسما واحيان عينك فالتراب=ومرار تضحك من طرب ومرار تضحك من جزع
قال المثل كلن يفصله على قده ثياب=وانته مقاسك يابراهيم الجذع متر و ربع

الصيد اجيبه لو اشيل ام الرصاص بلا زهاب=محدٍ يسوي مثلها يا كود من شق ورقع
ثوبي على قدي مفصل لا يعيب ولا يعاب=وأنته كما اللي زاد طول الثوب وبثوبه خثع