السلام ورحمة الله يالعتيبي وبركاته=للرجال اهل الوفا والطيب وافين الذراعي
قوم ياعبدالكريم القرم هات العلم هاته=ودنا ناخذ علومك يالشجيع ابن الشجاعي

مرحبابك بعد جيت ودارنا حنا حماته=وانت من قومً لهم بالمجد يارجال باعي
يا عسى فالأمر خير وكلنا نبغى رواته=ولا يضيقن الدروب ولا يضيقن المساعي

البقاء والدار يارجال معروفٍ نباته=عارفين الدار واللي ياصحيبي فيه راعي
الشماته خلها ياصاحبي لهل الشماته=بعد هاذي قوللي يالعازمي سمعٍ وطاعي

دارنا دار السعد وكل يومً في ثباته=ودون دار العز يا نواف تنعانا النواعي
نعرف الرجال من وجهه ونعرف من سماته=مانطيعك لو تدور الدايره حول الرباعي

الرجل لوطاب فعله يالعتيبي من عزاته=وكانك انته مت يارجال تاكلك السباعي
وابياته كان جاه الليل عندك وابياته=ليلةٍ قشرا تجيبه عند عربانٍ جياعي

يا حياة اللي يموت أب/عز والله يا حياته=وأنت يا نواف لو دققت كان الحق ضاعي
من يلوذ أعن الضيوف الله يزود في عماته=ياكثر قومً نصونا ثم راحو هم شباعي

مايضيع الحق والغادي فانا ماني سواته=ماشيٍ بالدرب واطى ياولد روس الافاعي
مانذم العازمي لاقال هرجه دون ذاته=والوفاء بينه وبين العازمي ضافٍ شراعي

قدم نكك زايدً مدري تراء وشهي صفاته=بل حلقك من حليب الخلفه ولا من المراعي
عادت الطيب يشؤم أعن الردى لا وا غناته=مير يا نواف دوب الوقت حان للوداعي