ياليت سلطان حاضر فالنهار الكبير=ماكان نص الجماعه تمرح بغلها
لايابراهيم سيفك كان وانه شطير=مارد عنك العدا وسيوفن تسلها

البحر لا تحسب أنه يا العصيمي غدير=اعلوم نحفر لها واعلوم ندفن لها
سوق المعاني يبا له يا العصيمي خبير=ومن لا تعرف المعاني تمرح احسن لها

اثرك تدرق لياشفت الرحا تستدير=وانا احسبن العدا قدمك ماتمهلها
تراك مانته بمحتاج لشهادة مطير=الا انك مشكك بعمرك تعين لها

اعلومٍ اكبها للي سواتك صغير=العاقل يصد والجهال تقبلها
ماني بحاجة شهاده يا نظيف الضمير=سوالفٍ ما تخصك خلها خلها

لاتحسبني جذع وتقول توك غرير=دايم ماتمسي يالين انك تحصلها
ازريت تكتب جوابن للسوال المثير=استغفر الله رحت ادموعك تهلها

على علومك يقود القوم سلك الحرير=يا مل عينك على ما صار يا ملها
ازريت اعدلك وامثال العوارف كثير=احيان يطلع لها واحيان ينزلها

يمكن براهيم من زود الحماسه ضرير=ولا جبال البسيطه يقدر يشلها
اشوف خرجن تدلى فوق جنب البعير=لكن بعير البدو مزري يتحملها

يا اللي تشيل السلاح ولا تضد المغير=منته وكيل الآودم لا توكلها
تقولها من عصر لو أنها ما تصير=وراك علة نحر لـــ الناس ويعلها

انت اجودين معيي لانجيك بشوير=كن الثريا ما قبلك واحدن حلها
من عقب هذي تسلم عهدتك للمدير=للحرب لادندنت دندون ايدندلها

الضرب فالميته ما فيه خيره وخير=حرام ما جازها ديني ولا حلها
لو ما اعرفك يا العصمي قلت وش هالأمير=وأنته عشا لـــ الذيابه لو توسلها

قامت تهبد عساها والله بزمهرير=والعود يومي شليله ثم طبلها
والله يالولا رجالن ما نظرهم قصير=ان كان تسري ما روق موافقن دلها