لو نلحق الكذاب لا عند بابه = يمكن تبين علومه اللي كتمها
يالمورقي ذيب العشاء طاح نابه = من كثر ما ياكل سنونه هضمها

لو تقطع لسانه وتحرق ثيابه = ماجاز عن طبعه ونفسه ظلمها
ياصاحبي لاصرت بين الذيابه = عساك تربط راسها في قدمها

لو شاف ابن مورق بروق السحابه = داره قبل كل العرب يغتنمها
طاح النجم والكل دربه غدابه = تتبع مراسمها وتترك قلمها

المورقي ماشيء يحسب حسابه = اما كحل عين المها مالطمها
لوٌ ان عن عينك تشيل العصابه = شفت النجوم الي تعلٌت قممها

يا صاحبي اصل الخطا ويش جابه = وانته وانا نركز على العز علمها
الجدي وسهيل اليماني قرابه = قالوه واللي عزها قد هدمها

السيف مايجرح بحدٌه نصابه = وان جات زله يافهد ماعلمها
اثنين مار الحق مامن تشابه = قسمه من الله يوم ربي قسمها