|
من يوم فالمنتدى معنا قحاطين
يالحبابي أرحب أرحب
من يوم فالمنتدى معنا قحاطين ............................... على صحون الكرامه يقلطونا حنا نحب القحاطين الميـــــــامين ............................... ودايم نجيهم وهم ما قط جونا |
تسلم يالحرالاْشقر
ابداع وبدعه توحي بمحاوره قويه عجل يالحبابي الله لايهينك اخوكم / معقل المجانين متابع تحياتي |
ياليل يا عين
وين انت يالحبابي تراني في صفك ولا يهونون العتبان |
الله اكبر يالحر الأشقر
جبتها والله ياذيبان القحاطين رجال ونعم فيهم و يستاهلون كل خير يالله نبا رد القحطاني الله يعطيكم العافية |
ألحر الأشقر
والحبابي الله يوفقكم في طاروقكم واستمروا |
الله الله
بدايه تُشعر بأن هناك محاوره من الوزن الثقيل وحنا متابعين وبانتظار شاعر قحطان صح لسانك يالحر الاشقر تحياتي الفالح |
يا ليل من أنت ليله :) الحر الأشقر و عايض الحبابي وش باقي ؟ الإبداع المنتظر والإستمتاع بالفتل والنقض .... ننتظر صبي قحطان :) تحياااااااتي |
....
الحر الاشقر الله عليك مبدأ رائع وهو ليس بغريب من شاعرنا المبدع.. وينك يابو علـــــــــــــــي؟... الليل الليل ... |
إخواني الأعزاء
معقل المجانين المسري فهد الشيباني ولد عوجان الجذع الفالح وصل العطياني مرزوق العتيبي لا هنتوا جميعاً ومروركم اسعدني كثيراً وأنا فخور جدا بتواجدكم معنا ومره أخرى لا هنتوا وبالتوفيق جميعاً |
الاخ الغالي والشاعر الكبير ..(( الحر الأشقر)) ... أقدم أعتذاري عن التأخير لأني في أجااازه لي ثلاث أيام .. وبعيد عن النت ... |
خلوووووووووووووووووها ... أستلم يالحر أستلم ..: |
معقل المجانين
الفالح ولد عوجان الجذع نايف الشيباني المسري وصل العطياني مرزوق العتيبي الله لايهينكم ويعطيكم العافيه على المروور ..والمشاركه ... |
الله الله ابداع ليس بغريب سلمت يالحر الاشقر وسلمت يابو علي واصلو وحنا فالصفوف |
أرحب يالحبابي أرحب\
لا تدعي وأنت ما عندك براهين .................................. وقحطان من خبرنا ما يكذبونا جيناكم ضيوف ثم رحتوا قطاعين ...................................وأنتم لا جيتوا ديرنا تــرجعونا |
عبد العزيز حياك لا عليك زود وتواجدك معنا شرف لنا طال عمرك
|
تبقى يالحر الأشقر .. أستلم .. |
عبدالعزيز ... أرحب ...وياهلا وغلا ... أكبر تشريف لمحاورتنا وجودك ... تحياتي |
تعوّضوا في جبال النير بالريــــن
............................وإن عاض في نجد الأنجد قابلونا في نجد كنتوا تسوقون البعارين ,,,,,,,,,,,,,,,,,,,,,,وجينــــــا وأمــرنا عليكم ترحلونا |
|
الحر الأشقر : من يوم فالمنتدى معنا قحاطين ............................... على صحون الكرامه يقلطونا حنا نحب القحاطين الميـــــــامين ............................... ودايم نجيهم وهم ما قط جونا الحبابي : الله يبقيـك جعـل أيامـك سنيـن .................يكفي من الحـر نظـرات العيونـا اللي يجي ضيف فوق الراس والعين .................وعتيبه نجيهم وهـم يذكرونـا ..! الحر الأشقر : لا تدعي وأنت ما عندك براهين .................................. وقحطان من خبرنا ما يكذبونا جيناكم ضيوف ثم رحتوا قطاعين ...................................وأنتم لا جيتوا ديرنا تــرجعونا الحبابي : مدري علامك تلف يسار ويميـن .................على كلامـي عتيبـه يشهدونـا حنا وقفنا لكـم وقفـة سلاطيـن .................أكثركم من الفزع صابه جنونا ..!! الحر الأشقر : تعوّضوا في جبال النير بالريــــن ............................وإن عاض في نجد الأنجد قابلونا في نجد كنتوا تسوقون البعارين ,,,,,,,,,,,,,,,,,,,,,,وجينــــــا وأمــرنا عليكم ترحلونا الحبابي : الهرج وقت السّعه حيلة مساكيـن ................. جينـا نواجـه عتيبـه وأخلفونـا جدّك دفع جزيته لو هي ريالين ..! ................. ويصيح بالصوت ويقول أرحمونا ..! واصلوا وحنا معكم متابعين ... تحياااااااااتي |
صح أخلفوكم سلاطين الميادين
................................قومٍ على الموت الأحمر ياردونا ما تدفع الجزيه إلناسٍ مقفيــــن ...............................خلــــــو ديرهــم وراحـــو يرثعونا |
|
نجد أصبحت دارنا وأنتم مجليـــــن
..................................الله يرحم شـــــيوخٍ مّلـــــــكونا قحطان جاهم مثل ما جاء فلسطين .................................جلّوا ومن مات تلقاه مغبـــونا |
|
الله .. الله .. أستلم يالأشقر أستلم : الختام عندك يالحر الأشقر .. وبصراحه اعتبرها تجربه مفيده لي محاورتك .. لنا لقاءات أخرى أن شاء الله |
الحبابي
كنّـا وباقـي ليـا هالحيـن راسيـن ------------------- نوخصومنـا مـن ديَرنـا ينزحونـا الحر الاشقر... قحطان جاهم مثل ما جاء فلسطين .................................جلّوا ومن مات تلقاه مغبـــونا :) وش اقول بس!!!! شعار لهم وزنهم بكل ماتعنيه الكلمه لله دركم معنى وجزاله.. تحياتي |
أخوي عايض الحبابي صح لسانك ولا هنت والمعذره إن حصل خطأ أو زله وقحطان ونعم ولا يلحقهم شك.
المستفيد أنا باللعب معك وسعدت بلقائك وأحيي فيك روحك المرنه وأخلاقك النبيله, ولنا لقاء آخر والسلام أخوك/ الحر الأشقر |
بيض الله وجيهكم بياض تنقله سمان الهجن
عزالله كفيتوا ووفيتوا وانتم شاعرين أعلام كل واحد منكم يمثل قبيله ولاهي أي قبيله عتيبه و قحطان الحر الاشقر و عايض الحبابي تقبلوا تحيات الفالح |
| الساعة الآن »07:11 PM. |
Arabization
iraq chooses life
Powered by
vBulletin®
Version 3.8.2
.Copyright ©2000 - 2025, Jelsoft Enterprises Ltd
