براك لو منتب شليويح معطيه معطيك=علمٍ من اطراف اللساني لـــ هي وحدها
القفل جبنا له مفاتيح الله يغنيك=والعشر لا ترجع ثماني كمل عددها

ياصاحبي مايعطي شحيح لاهانت يديك=الله يعز اهل المباني عزت عمدها
انته توامي بالمسابيح واسمع قوافيك=واللي تجيك بلا معاني لا تعتمدها

ترا الصقور الها ملاويح وتجيك وتجيك=تراي الأول وأنت ثاني تومي بيدها
يمكن تقوم اشوي وتطيح من يوم اناديك=وأن صار بعضامك لياني لا تنتقدها

ياللي ماغير تون وتصيح سبع العلل فيك=علتك ماهي بتخفاني والخافي ادها
ان كنت من ضمن المجاريح نعرف نداويك=وصفتك عند الصيدلاني تلقى سندها

علمك هذا يحتاج تصحيح قدام أجازيك=وش هو جزانا فالحصاني دور سددها
بين المساري والمساريح ناهيك ناهيك=عن ما نقول من المعاني يا اللي جحدها

لاهنت نبغى منك تصريح عن بيضة الديك=عسى عظامك للجناني واللي بعدها
القدر زيده نار و يفيح و الله يعافيك=عش الطراقي والعواني و النار زدها

لو ما تحب الورد والشيح شوش بذانيك=يا كم شري وضيمراني لحيك حصدها
صل العشا قبل التراويح قدام اسريك=سبع العجاف مع السماني جانا وعدها