سلام مني عد مالاحت بروقٍ فالخيال=على الرجال اهل الوفاء والطيب واهل المرجله
عبد الكريم اقرب تقدم والعلوم الها مجال=اما تحط السلسله ولاتطيح بسلسله

يامرحبابك ياهلا والفال يقفاه العقال=في حلة أهل الجود ربعي والرقوم مسجله
لا ترفع أبصوتك وأنا حاضر هنا وانته تعال=أما نحل المسأله ولا نعقد المسأله

الله يدوم لك البقاء والحمل بظهور الجمال=وشعيل ذا الليله ترا بالحمل انا بحمله
جيتك واسر ليلك قدم وارقى على روس الطوال=والليل والله ياولد ليجيك شعب وتلتله

حمل جمالك وأنتبه مالك خيار ولا أحتمال=قضب الرسن صعب وتبا تبطي تجيك مسهَله
أن جيت يا نواف فيك الخير وأحذر لرجال=حل العقود اللي تبا تنصاك مني حلحله

ترا رسنها في يدي ياصاح من ماض الليال=والمشكله ف/اللي طمع هالحين هذي مشكله
ترا القمر فوّل لياله ماله اسم الا الهلال=وانته ترا تجيك ياعبدالكريم مفلفله

عود يا نواف ابن مشيب وارتح بضل الضلال=مالك ومال الذاهبه وكبودكم متعلله
خلك على هونك وحآذر لذيابه لا تمآل=تراء الذيابه لو تهوش أتصير اثياب مخلخله

اظاهرٍ صابك مرض ياصاحبي مدري خبال=وان كان ابك جني ترا بقرا عليك البسمله
لاتعترض لذيب وانته يطرحك ريح الشمال=وتنحاش لامنك سمعت الخرفشه والجلجله