قوم واضرب بحر خل الشاطي مثل أبن بطوطه=لين تاصل يا شهراني حده ثم يجيك الشاطي
أنت شاعر بالشعر متعاطي عقدتك مفروطه=مير خصمك ما يبيح سده معك يا المتعاطي

قايمٍ لك يا سفير الغاطي غاطه و ممغوطه=لا تحسب الغاط يشبه جده يا سفير الغاطي
مالك الا النار و الملقاطي جمرةٍ ملقوطه=هات علمك مالك الا العده جمره و ملقاطي

ولع العالي وطف الواطي يا سفير الحوطه=من يغر الدرب نقرص خده مير كب الواطي
أنت ما يكفيك خمس اشواطي حجكم بشروطه=وأنتبه للهجمه المرتده فاخر الأشواطي

سالفة يوسف مع الاسباطي سالفه مبسوطه=مثل ابو بكر و حروب الرده غير دون اسباطي
ادري ان هرجك معي مطاطي و العرب ممطوطه=غير فوقك ضمتين و شده تشبه المطاطي

أنت ما تسطي وخصمك ساطي يخطف الشمحوطه=وأن تعزوى بأسم أبو وجده والله أنه ساطي
أنت ما تجزع من الأسواطي دامها مسفوطه=ما على خاطرك بده بده لو كما الأسواطي

زاهيٍ تزهابه الاقراطي عزوته مقروطه=و ان عصاه الدرب قام و كده زاهي الاقراطي
بين حاكم مصر و الاقباطي فاصله منقوطه=ما يشوفون السما ممتده شلة الاقباطي

كل مجنونٍ وفيه ارباطي وأنت مثل الفوطه=وأن عصاك الوقت كيف اتضده وأنت فيك ارباطي
لو ليال القيض مثل اشباطي العرب مغبوطه=مير هات العلم والا وده في ليال اشباطي

دايم الواطي كلامه واطي فطفط و فطفوطه=كل بابٍ له مفك و سده لو يوط الواطي
مزحمي يا الجذع منت مقاطي حطةٍ محطوطه=جزر بحرك ما يشابه مده مزحمي و مقاطي

لا تروغ كنك الوطواطي بندقك ممروطه=مير عش الضيف والا غده لا تجي وطواطي
كل خط يخطه الخطاطي ما هو بخربوطه=من بنا بيته وقام وهده ما على الخطاطي