مسيت بالخير يا معجب قبل طرح البيانات = جعل السعد في مقابيل الليال يحوم طيره
انا بعد شفت معجب ما تفوت اليوم هيهات = وانته عليمٍ وتدري وش حصل وسط الجزيره

يامرحبابك هلا ياصاحبي عبر المحطات=عبر المحطات في جوٍٍ محطاته كبيره
ان كانبه علم بيّن ياعميلي جر الاصوات=ترا الجزيره كبيره والفعول (ابها)كثيره

الك البقا يا عميل الخير وان راحت علاقات = انته بعيد البصر فالامر وبعيد البصيره
لن كان وانته مكلف في نبذ بعض الخلافات = ماني معلم خبير الزير لا من دق زيره

المجتمع واحد ولو راحت علومٍ ولو جات=والعاقل اللي ليامن عاش مايجهل مصيره
الواجب اللي على المسلم يعرفه طيّب الذات=واليا بغا يفعله ياصاحبي ماشاف غيره

انا عتيبي ومسلم حافظٍ كل الصلوات = والحرب من باب اولى لليهودي مع نصيره
والظلم يوم القيامه قالو العربان ظلمات = حمله ثقيل وغدا نصه ومن سبة بعيره

ماشفت غير العرب مثلك على كل اتجاهات=والمسلمين يتمشون وبلدنا زاد خيره
كلمتك هاذي لها تقدير من بد العبارات=واللي يخالفلها ياصاحبي يفقد شويره

بااقبل كلامك لجل توضيح وش مغزى العلامات = دجله يناج الفرات وصارت الدعوى خطيره
من باب نشر المحبه لايجي فرد العضلات = يا صاحبي من يجنب يعتبر بكره خشيره

يعجبني اللي على الطاير فهم كل الحراكات=ماصار فكره تقيل ولا يجي فالبال حيره
لابالله الا ترا الدعوا يابن مشيب سهالات=جلسه على كاسة الشاهي ولافيها تعميره