آه من همن ورى عوج الضلوع=اثقل من جبال سلمى والسراه
كاتمه لكن هليت الدموع =مير مايصعب على الوالي دواه
.من سبب فعل الردي شين الطبوع=اليهودي جعل مايكثر نماه
فعلته شينه وفي تال السبوع =في نهار الجمعه بوقت الصلاه
هاجمن والناس فالمسجد ركوع =مسجد الاقصى عسا الله يحماه
هاجمن والناس للمولى خشوع=غادر وخاين وملعونن ثواه
فعلته منها الردي يبقا جزوع =وينطح الميدان ويقابل عداه
اليهودي من ربوع اليا ربوع =يذبح اهل الدين ويكبر عصاه
وغزه اتذوق الحزن من كل نوع =تشتكي والعلم وصل مننتهاه
تعوي اعوى ذيب لحقه قو جوع =تشتكي تطلب من العربان جاه
وين شيخانن على الفرجه قطوع=خصمهم وقت اللقا يظهر خفاه
ياشيوخ القوم لباس الدروع =الوضع وجهه بقا كنه قفاه
ولعو للحرب بلاه الشموع=وخلو الكافر يعرف المستواه
لين بعد الفعل يمشي مايتوع=وقبل يفعل شي يعرف وش وراه
لجل غزه ناطحو كل الجموع=ولا خسر مسلم مدام الله معاه
العمر فاني ولله الخضوع=ولا بقا للرجل كثر اللي قضاه
مير موتك وانت تطمح فالطلوع=خير من تنذل وتجيك الوفاه

وسلا متكم

الشاعر عناد الشيباني

المشاركة الأصلية كتبت بواسطة عبد الكريم العازمي (المشاركة 1127981) الله الله يا ابومحمد مبدع في كل حالاتك صح اللسانك ملايين والله ينصر القدس

المشاركة الأصلية كتبت بواسطة عيضه الثبيتي (المشاركة 1128101) صح لسانك ياعناد مشاعر صادقه تجاه بلد نتمنى تحريره ولكن لاحياة لمن تنادي تقديري و إعجابي

المشاركة الأصلية كتبت بواسطة فهد الشيباني (المشاركة 1128592) صح الساااانك يامبدع الله ينصر اخواننا المسلمين اينما كانو لاهنت

المشاركة الأصلية كتبت بواسطة وصل الشهيب (المشاركة 1128617) آه من همٍ ورى حدب الضلوع=أثقل من جبال سلمى والسراه هنا غيرة المسلم على مقدساته . كيف لا . والمسجد الأقصى أولى القبلتين وثالث الحرمين الشريفين بصراحه خادم الحرمين الشريفين بذل قصارى جهده. ولكن خيانة فلسطين من الفلسطينيين أنفسهم أخوي عناد صح لسانك نصرُ من الله وفتح قريب تحياتي

المشاركة الأصلية كتبت بواسطة عسسساس (المشاركة 1128635) اه اهت من طول العن طولتن اه يا الآقصى ان شاء الله يوم اصلي فيك

المشاركة الأصلية كتبت بواسطة محمد العتيبي (المشاركة 1128738) صح الله لسااانك مدد يالغااالي .. تحيتي وأعجابي لك ..

المشاركة الأصلية كتبت بواسطة الصويت الثبيتي العتيبي (المشاركة 1136741) سبــــحانـك اللــهم وبــحمـــدك أشـهد أن لا إلـه إلا أنت أأستـغفــرك اللــهم وأتــوب إليــك جزاك الله خير ولاهنت على القصيده صح لسانك نصرُ من الله وفتح قريب تحياتي

المشاركة الأصلية كتبت بواسطة سعود العصيمي (المشاركة 1154317) آه من همن ورى عوج الضلـوع اثقل من جبال سلمـى والسـراه العمـر فـانـي ولله الخـضـوع ولا بقا للرجل كثر اللـي قضـاه مير موتك وانت تطمح فالطلـوع خير من تنـذل وتجيـك الوفـاه بيض الله وجهك يابومحمد وصح لساااااانك قصيدة رااائعه وتحكي عن واااقع

المشاركة الأصلية كتبت بواسطة سعود العصيمي (المشاركة 1154317) آه من همن ورى عوج الضلـوع اثقل من جبال سلمـى والسـراه العمـر فـانـي ولله الخـضـوع ولا بقا للرجل كثر اللـي قضـاه مير موتك وانت تطمح فالطلـوع خير من تنـذل وتجيـك الوفـاه بيض الله وجهك يابومحمد وصح لساااااانك قصيدة رااائعه وتحكي عن واااقع