سلام تسليمة وفا ترقا غلى قمة جبل=اقولها من هاجسي لاهل الوفاء واهل الفعول
وين انت ياعبدالكريم اقرب ونوخ للحمل=نبا نحقق معك ويبين الطلوع من النزول

يامرحبا ترحيبتً يضربها فعلاً مثل=تنصى الرجال اللي يعرفون الخروج من أدخول
الحمل ما يشتاله ألا من على الطاله صمل=وبعض الحقايق ما تكشّف لو تصول ولو تجول

دام البقا وعيونك الليله نكحلها كحل=اما عمت ولا عرفت الدرب ياراع الرحول
الصعب عندك ياوسيع العرف هو عندي سهل=وناقتك ياعبدالكريم اقربها يم الفحول

الله يعين اللي ليا جات المواقف ما أحتمل=أما يسندها بحر ولا يسندها السهول
يا ضاوي قدم أعدالك وشفلك بعد هذي حل=وأشوف أفحولكم واجد لكن أمشمله بـ أشمول

حنا هل الوقفات ياعبدالكريم اهل الفعل=والله يعينك لابدا التسجيل تلقالك قبول
الفرق واضح ياولد عالي كما الكوكب زحل=وترا الفحل معروف لو تقول ولا ما تقول

ما أذمكم أليا أوقفتو وأن قعدتو مُحتمل=أتفوز سابقنا ولا تغرنا فيها الحلول
اللي تقوله شاعرً معروف وإيظاً هو بطل=واليا أحتما الميقاف قدمه سيفً فالقاء مسلول

سابقك راكبها ترا قد طاح من تحت الرجل=تاطاه وتخليه مسدوح(ن)على درب الخيول
اختامها يالعازمي قرط على زق النحل=يابن الرجال اللي لياقالو يوفون الكيول