أرحب يابراهيم

المشاركة الأصلية كتبت بواسطة طلال ناشي (المشاركة 1124576) [ لا يروح أشماغك البسام مع بيض الطواقي = قد لقينا مثلها واللي يدورها لقاها [/align]

معذور يالشايب :)

لو أبا انوخ ذلول ابليس ضيقنا الخناقي=مير لا تطرق علومٍ ما تعرف اللي وراها
أنت راقي والشماغ اللي عليك اليوم راقي=مير نفسك لــ الطريق الزين ليت الله هداها

مانكب عفش الذلول ألا زمن طرباق طاقي = انت ترخي في رسنها والزمن يومي علاها
من تتقى يالجذع يلقى عن أصحابه متاقي = لا تعذر ثم عينك ماملها غير ماها

أنت يا راع الذلول اللي تطببها السباقي=كان فازت بالسباق الله يعين اللي جناها
أنت لو أنك تشوف البحر قلت البحر ساقي=لا تجي قدم الذياب الشهب وأتحطك عشاها

النصيحه تنشرى وأنا ترى ماني بشاقي = فيك والدنيا يبا يشبعك يالروقي غثاها
مدخلك بالله يابوخليل فيني ويش هاقي = وأن حضرت أذياب ظلع النير ماتوحي عواها

الجبل لو كان ثابت فوقه السبع الطباقي=مير ميز فأرضها يا صاحبي والا سماها
لا تحب الأتحاد ولا تحب الأتفاقي=والله أنا ما عرفنا غيض نفسك من رضاها

:)

أنا في صف الجذع قبلك والصًف يزهابي

ماعطيتك غير كلمة حق ياعسر المراقي = مير أنا شوفك من الليله تصدد ماتباها
يابراهيم الجذع طلع نياقك من نياقي = دايم الجربا مع أهل الذود تعرف من رغاها

كن حبه يا أبن ناشي محرقٍ قلبك حراقي=تحسب أن الناس ما تدري عن البير وغطاها
أنت لو أنك تميز فالمعشر والملاقي=ما تجيب الهرجه اللي من خلاها في خلاها

ساع ماشان الزمان وساع ماحان الفراقي = وأن زنت بنت الحرام الزانيه تاكل جزاها
لا تحسبني زبون السلعه اللي ماتساقي = الثمينه في مغن السوق يعرف مشترها

السوالف بعضها يطعن مثل طعن السناقي=كل جرح وكل عله عندنا والله دواها
النوايا ما تفيد أهل اليمن وأهل العراقي=والعوارف قبل وجه اعلومها تنظر قفاها

:)


صح ألساااانك يابونايف

لاهنت على كل حال شرفتني طال عمرك

أستاذك ياعود

تصبح على خير