الليل يابراهيم لايسري بك الليل الطويل=عندي علومَ بيَينه مدري علومَ خافيه
وان كانها شبت وقربنا الزنود من الفتيل=من يزهم امن الطرق ولايزهم الاسعافيه

لا وا حليلك يا مطني وش تحط اوش تشيل=مفتاح وسط السلف يبرم ترسه الحذافيه
تقول هذي مير حملك يا العتيبي لا يميل=أنا أعرف أنك ترتبك من يوم تسمع قافيه

لا واحليلك يالجذع دوبي دريت انك حليل=اهل القلوب الحاقده اغوت قلوبَ صافيه
بغيت اقول انك دليله واثر ماحولي دليل= الحر يفهم بالاشاره والاشاره كافيه

منته بحايل لو مع الحوال يا الحافي تحيل=لا تحسب أن الستر دايم والعوافي ضافيه
صحيح ما حولك دليل ولا تسوي مستحيل=مير أبرك الساعات يوم أن الأشاره طافيه

ان كنت حايل يالجذع رحنا وجبنالك صميل=لعل حايل ربعنا الجذاعان دوم بعافيه
احسن من اللي مايسوي لاكثير ولاقليل=ماغير صرف هروج يامكينة الصرافيه

هات الصميل ولا تدور عقب ما قلته بديل=يا اللي على راسك تحضر بالمصيبه وافيه
ليتك بعد هذي عن الميدان تعلن بالرحيل=أنته ومن مثلك يدوس النار رجله حافيه

ماقلت لي هي ولدت الحايل عجل ولاحسيل=حتى ننادي (من يبا حليب) في المشرافيه
ليتك تكب اللعب يابراهيم والشعر الهزيل=حذها نصيحه والنصيحه من مطني شافيه

قم واطلب الله يا مطني كل يوم وكل ليل=يحميك من عين الحسد يا الشاعر العرافيه
أنا أشهد أنك شاعرٍ ماله شبيه ولا مثيل=دام الهدف من شعرك اتسجل مع الأهدافيه