ابتدا الليل والمعنى نجيد المعاني كلبوها=والنجوم محسوبه لو هل العرف بالغش احسبوها
غروا الناس في بعض الدعاوي وأنا اقول انكبوها=نكبة القدس وأسرائيل فالهاويه فالهاويه
من يسوق اشعيل ما يرجع يقوده بالخطامي=يوم غروا عالمٍ ما ركبوا جمله مفيده
أبن وسام ايتوسط تحت تأييد الزلامي=والسناني لو يهوز الصيد ما يقدر يصيده

يابراهيم ليلك ليل شاعر وتفهم فالمعاني= والله انه يخارج من صدوف الليالي والزماني
والبلا فالزلامي وابن وسام مدري فالسناني= عااااشت القدس واسرائل فالهاويه فالهاويه
اترك اللي مايفرق فالحلال وفالحرامي= اجلس مع اللي يحب الدين ويصون العقيده
انت وش حدك يابو نايف على ذكر الاسامي= وانت مايجهلك هارون الرشيد ولازبيده

يا الله أنك توفقنا لزين السوالف والتعامل=يوم بعض العرب ما هو بمجبور والله بالمجامل
كيف ضموا ما بين اجمال الأنتاج كل اجرب وهامل=عاشت القدس وأسرائيل فالهاويه فالهاويه
يا الثبيتي ما مشينا فالبلد عكس النظامي=ودنا بعض العرب تمشي على الأريا السديده
كل يوم الناس تبغا رميةٍ من غير رامي=والعرب ملت من اللي مدته دايم زهيده

كل تاجر يفتش دفتره بالاسم يلقى عميله=وانت لا تحسبن اللي تريده يجي باهون وسيله
يوم عن الخيول يبين طبع الكديش من الاصيله = عاشت القدس وسرائل فالهاويه فالهاويه
انت تمشي بالنظام ولا على مثلك ملامي=والعرب لولا اختلاف الرائ تغدي في مكيده
من زرع يحصد وتال الزرع يقفاه الصرامي= ابذل المجهود والخالق يدبر مايريده

والله أن ضرب بيتي يا الثبيتي مثل ضرب القذيفه=مير بعض الدعاوي في دروب العرب مثل الحتيفه
يوم بعض الجبال اللي على الأرض صايرةٍ خفيفه=تترك القدس وأسرائيل فالهاويه فالهاويه
لو كانت بأختلاف الراي يقفاها العسامي=البلا شيءٍ بشوف العين والشاشه تعيده
قام بعض الناس يحصد ما عرف زرع النوامي=والله أن المرجله دايم على مثله بعيده