|
الشااااعران الكبيران مستور العصيمي وتركي الميزاني وغلاء المعيشه ومعاناه الموااااطن
آلسـلآم عليكم ورحمه آلله وبركآته ~ محـآوره تـركي آلميزآني ومستور آلعصيمي ~ آخليكم مع آلمحآوره ~ تـركـي آلميزآني يآملكنآ معي آمآنه شعب وآحملهآ رسآله وآلرسآله عآجله وآلشعر سآمي وآنت سآمي , آلروآتب مآتكفي للآجآر وللبقآله وآنت تعرف نصف شعب آلمملكه جيعآن ظآمي , مستور آلعصيمي كن مثل مآكنت يآتركي ترى حآلتك حآله لآتنآدي بآلآسآمي يآمنآدي بآلآسآمي , لعبه آلتجآر مآندري غبآ ولآجهآله خلهآ تصبح قصيده مثل مآقآل آلزلآمي , تـركـي آلميزآني آرتفع سعر آلشعير وهمل آلشآوي حلآله وآبتلشنآ كلبونآ من حرآمي فى حرآمي , ليت آبومتعب طلوع آلشمس لآميل عقآله يسجن آلتآجر قليل آلعرف ملعون آلرسآمي , مستور آلعصيمي مآلعب فى سوقنآ غير آلتستر وآلعمآله كيف آنآ آبسمع كلآمك وآنت مآتسمع كلآمي , آنظروآ فى وضعنآ تكفون يآصحآب آلعدآله لونشق آثيآبنآ مآعآد يلحقنآ ملآمي , تـركـي آلميزآني آلفقير آللي عليه ديون مآيصرف عيآله وآلخروف بقيمه آلحآشي ولو مآله سنآمي , سآعدونآ يآعيآل آلعود يآصحآب آلجلآله وآلله آن آلنآس تعجز فآلشرآب وفآلطعآمي , مستور آلعصيمي من يجيب ومن يودي وآلرشآ فوق آلمحآله آقبلوآ دعوآتنآ وآلنور آخير من آلظلآمي , آنتبه يآتركي آلآلفين مآلدعوى سهآله لآيموتن آلعروق ولآيطولن آلنوآمي , تـركـي آلميزآني كد كلتنآ نكبه آلآسهم وكلن رآح مآله يآملكنآ مآبقى غير آللحم فوق آلعظآمي |
طاروق جميل..ولو أن المعنى مكشوف لكن هذا لايعيبه لأن هناك معاني مثل هذا المعنى عادي جدا لو تم اللعب عليه عالمكشوف ويمكن يكون أجمل ..............
مستور من ملوك الشعر..وتركي شاعر مبدع ...................... أعجبني من أبيات تركي: آلروآتب مآتكفي للآجآر وللبقآله وآنت تعرف نصف شعب آلمملكه جيعآن ظآمي , والبيتين اللي تقول: آلفقير آللي عليه ديون مآيصرف عيآله وآلخروف بقيمه آلحآشي ولو مآله سنآمي , سآعدونآ يآعيآل آلعود يآصحآب آلجلآله وآلله آن آلنآس تعجز فآلشرآب وفآلطعآمي , نشكرك ياشاعر خطير |
تسطيح واضح وفاضح للمعنى وقد يكون تركي معه حق لتوصيل الرساله للملك
وواضح التحضير الجيد ومحاور النقاش ( الفقر ) من قبل تركي ملاحظه ثانية ومهمه على المحاورة لو جمعت بيوت تركي في المحاورة تصلح قصيدة وهنا المحاورة افتقدت عنصرها المهم وهو النقاش أو الفتل والنقض ونستطيع أن نسمي هذه المحاورة رساله تـركـي آلميزآني آرتفع سعر آلشعير وهمل آلشآوي حلآله وآبتلشنآ كلبونآ من حرآمي فى حرآمي , ليت آبومتعب طلوع آلشمس لآميل عقآله يسجن آلتآجر قليل آلعرف ملعون آلرسآمي , بيوت فيها شيء من الركاكة في التركيب ولكن محاور المعنى متجدده تقبلو تحياتي |
المحاوره جيده
ولكن محاورة المعنى المكشوف ليس مثل محاورة المعنى الخفي طبعا محاورة المعنى الغامض افضل بكثير وهي اساس المحاوره. وانا لا ألوم العصيمي لان من كشف المعنى تركي ولا بد أن يجاريه. الله لايهينك على النقل ياشاعر خطير |
راحت المحاوره اللي عليها الكلام
ماعاد في معاني غامضه الله يرحمك ياصياف ويامطلق قولو اااااااامين |
اقتباس:
تحياتي |
الحمدلله على نعمة العقل الحين من يكلم تركي2000 ماعنده الا الصفوف يعتقد ان الملك قدامه مثلا ولا الملك ماله هم الا محاورات تركي يشتري اشرطتها يتسمع فيها وش يقول تركي 2000 فعلا اصحاب العقول في راحة |
اقتباس:
ابن المحايا اتصدق اول محاوره تجوز لي من اربع سنوات تقريبا بصراحه اتمني الشعار يحذون حذو المحاوره هاذي طاحت علي الجرح اللي ذبح اغلب الناس واعتبرها رساله طيبه للحكومه للنظر فالشعب والسلبيات الموجوده ولابد تكون مكشوفه حتي يفهمها الشعب والمعنيين فالامر مالفايده من تشفير المعني لاشي بالعكس يمكن تطلع تحليلات ثانيه بعيده عن المعني وبعدين هذا تركي الفين ههههههههه اللي خلا الامير سلمان يتابعه في شاعر المليون وحطه من المقربين له يخلي الملك يدري عن المحاوره هاذي ماشفت اسعار الخضره انزلت لها يومين صندوق الطماط صار 25 ريال والخير جاي ان شالله امس الكويت راح يرفعون معاشات المتقاعدين بدايه السنه الجديده ميلادي هذا تركي الفين حظه يكسر الصخر والخليج يسمع له وشاعر كبير صح السان مستور العصيمي العلم وصح السان تركي الفين واذا ما انزلت الاسعار يابن المحايا لك حق علي |
اقتباس:
تحياتي |
اقتباس:
بس السكين اوصلت العظم وزاد الغلا غلا انا امعبي جيب تايوتا في ابو ظبي يوم كنت هناك 170 درهم والامارت بلد نفطيه ورابع دوله فالعالم فالمخزون النفطي الان تصدر جواز فالكويت بحدود خمسين ريال وقبل تصدره في 10 ريال الامور كل مالها تقترب للهاويه الناس اتعبت يابن مشيب حتي اصحاب المعاشات العاليه اشتكوا |
يوم يناقشون الغلا ليتهم ينزلون اسعارهم .. قبل مطلق الثبيتي الله يرحمه وغيره من الشعار كان يجون 2500 ريال ..
|
اقتباس:
الشعار ماهم مهمين اهم شي المعيشه ولاّ الشعار مايجيبهم غير الشبعان وراع الشيخه تفائلوا بالخير الملك عبدالله اسنافي ومطنوخ وكلمة تكفا تثّر فيه وراعي فزعه ان شالله يقبل الخير احلا مافي هالمحاوره ان القبايل سالمه منها ومن غثاها اللي ملينا منه |
المحاوره سطحيه .. وماهو من عادات مستور لكن وش يسوي من اللي معه .. مجرد سوالف .. ولا تسمى محاوره .. لو كل واحد كاتب قصيده بنفس الموضوع افضل.. على العموم صح لسان الشاعر العلم مستور واطال الله عمره ,, |
بعض المعاني توضيحها أولى أكثر من إخفاءها لانه لا فائدة منه
مثل ما ان بعض الرّدود تنقيحها ومراجعتها أولى من كتباتها صح الله لسان ابو عطالله ملايييييييين وعز الله على الجرح وصح لسان العلم مستور العصيمي |
اقتباس:
اول حاجة الفكرة طرقها شعار قبله مثل محاورة حبيب ومستور ومحاورة حمود السمي وحبيب اما قولك ان الاسعار ستنخفض بسبب هذه المحاورة فهذا امر لايصدق الغلاء له سنتين وهناك ظغوط اعلامية ولم يرضخ لها التجار بيرضخون لمحاورة تركي 2000!!!!!!!!!!!!!!!!!! <<ولا انه ماتهيض الا يوم ارتفع الشعير ;);) اما توقيت هذه المحاورة فامر متوقع بالنسبة لي للافلاس اللي يمر فيه تركي 2000 في الاونة الاخيرة خصوصا الخمسة الاشهر الاخيرة فبعد قصيدته في راكان بن حثلين واستعطاف اصحاب قناة الصحراء وبعد تكراره في الصيفية لطواريق قديمة لحبيب العازمي اكثر من طاروق وبعد مواله مع ابن مشيط لمحاولة اعادة الضوء الاعلامي لسابق عهده هاهو الان يحاول اعادة الضوء له من خلال هذه المحاورة ويحذو من خلالها بمحاورة مستور وحبيب التي انتشرت في منتصف التسعينات الميلادية اما هذا الامر اتقبله اذا كان تركي 2000 صاحب مبدأ من الاصل ومثقف اما انه ينتقد الغلاء ويناقض نفسه بنفسه حيث لايحضر الا 20000 الف ريال فهذا الغير مقبول:) |
مثل ماقال الجوراسي محاورة تصلح قصيده ولعل موضوعها مختلف ولكن المحاورة خاليه من الكرو والفر والفتل والنقض "
حاول مستور العصيمي ان يناقش في بدايتها ولكن واضح ان تحضير البيوت مسبق من جهة الميزاني " مثل هذا البيت من قبل العصيمي : كن مثل مآكنت يآتركي ترى حآلتك حآله لآتنآدي بآلآسآمي يآمنآدي بآلآسآمي , لعبه آلتجآر مآندري غبآ ولآجهآله خلهآ تصبح قصيده مثل مآقآل آلزلآمي , لم يلتفت تركي لطرح مستور في ابياته هذي واكمل مسيّرته " حاول مستور مره اخرى النقاش وكأنه يمثل الحكومه في هذا البيت بدون جدوى : مآلعب فى سوقنآ غير آلتستر وآلعمآله كيف آنآ آبسمع كلآمك وآنت مآتسمع كلآمي , يعني في النهايه كانت ابيات تركي سلسله واااحده ولم يكن هناك محاورة بالمعنى الصحيح من جهة تركي ولكن من جهة العصيمي ارى انه حاول ان يناقش اكثر من مره ولكن بدون ردود تذكر من الميزاني " قصيده طييييييه " يآملكنآ معي آمآنه شعب وآحملهآ رسآله وآلرسآله عآجله وآلشعر سآمي وآنت سآمي , آلروآتب مآتكفي للآجآر وللبقآله وآنت تعرف نصف شعب آلمملكه جيعآن ظآمي , آرتفع سعر آلشعير وهمل آلشآوي حلآله وآبتلشنآ كلبونآ من حرآمي فى حرآمي , ليت آبومتعب طلوع آلشمس لآميل عقآله يسجن آلتآجر قليل آلعرف ملعون آلرسآمي , آلفقير آللي عليه ديون مآيصرف عيآله وآلخروف بقيمه آلحآشي ولو مآله سنآمي , سآعدونآ يآعيآل آلعود يآصحآب آلجلآله وآلله آن آلنآس تعجز فآلشرآب وفآلطعآمي , كد كلتنآ نكبه آلآسهم وكلن رآح مآله يآملكنآ مآبقى غير آللحم فوق آلعظآمي |
تركي الميزاني شاعر و ما عليه قصور
بالعكس فكرته جميله .. و بعض المواضيع لازم تكون سطحيه و واضحه عشان الكل يفهمها .. سواء اللي يحب فن المحاوره او لا ..!! و بصراحه اشوف فيه تحامل كبير على الشاعر تركي الميزاني ولا ادري وش السبب ..!؟؟ شاعر اثبت وجوده ... بمحاوراته مع كبار الشعراء ... و لو ان الشعراء ما يشوفونه شاعر عنده مقومات شاعر المحاوره .. كان ما لعبوا معاه .. كبار شعار عتيبه و كذلك شاعر خنذف محمد السناني ..!! بعيدا .. عن التشكيك في شاعريته و بعيدا عن اموره الشخصيه .. التي ما ادري كيف الناس جابتها .. خفت ضوه و الناس ما عاد يعزمونه و صار يترجى و يكتب قصايد بفلان او علان .. تركي الميزاني .. موضوعه جميل و ابياته سهله .. راح يتقبلها الكل .. سواء كبار او صغار .. و راح يكون لها صيتها هذي المحاوره .. و راح تنتشر بشكل غيري طبيعي ..!! ولا نبخس حق الشاعر الكبير .. مستور العصيمي ... و تسلم يا صاحب الموضوع .. و اتمنى ما يتشعب الموضوع و خلونا في دائرة غلاء المعيشه ولا نطلع منها ,,, تحيتي |
اقتباس:
وعز الله انك صاااادق اما خلف اليووووووم مجاملي بشكل كبير هههههههههههههههه اصلا الشعار اخر من يفكر فالغلا هم ومستور قالها خلها تصبح قصيده تركي تحضير فااااااااشل بمعنى الكلمه ومحاوره خاليه من المعاني الله يعينك يامستور العصيمي على طرادة الشعر |
للأمانه المحاوره انتشرت واخذت صدى واسع واغلب عشاق هذ الفن وجماهيره صاروا يرددون ابياتها بعيدا عن شاعرية تركي2000 وبعيدا عن دهاء مستور الا يكفينا انهم تحدثوا عن وضعنا وعن مانعانييه وبأعلى اصواتهم وامام الجميع اذا لم يكن في المحاوره جميعها الا هذه الميزه فأنها تكفي تركي وتكفي مستور اما بالنسبه للشاعر تركي الميزاني ارى انه من ابداع في ابداع ومن صعود في صعود ولم ارى له اي قصيده او محاوره يطلب فيها فلان او علان وبالعكس حفلات تركي شبه يوميه اما الشاعر العلم مستور العصيمي فهو شاعر له تاريخه ووزنه الشعري ويشهد الله اني احبه في الله واكن له كل تقدير واحترام ولا اقول غير الله يطول بعمره على طاعته يارب شكرا للجميع وهذي وجهة نظري الخاصه فيه ولا اجبر كائنا من كان على قبولها والاخذ بها |
هذه محاوره اشبه بالبرقيه الى خادم الحرمين عنوانها شكوى مواطن موضوع جميل من تركي ومستور وياليت كل المحاورات تحذو حذوها افضل من السب والشتم |
خلف المطيري
فعلا كلام ابن سرحان صحيح ابيات تركي اشبه ماتكون بقصيده ليش تزعل هذي وجهة نظره اذا دققت فيها راح تعرف هالشي |
اقتباس:
ازعل والله مادريت عن الزعل خصوصا في عالم النت الربع لهم سنتين حرق في تركي مازعلت ولا ناقشت احد ولو في زعل كان بين من زمان الدعوه اخذ وعطا ردود في حدود الادب لازعلت ولا غلطت علي احد |
تحول مجرى النقاش
عموما هي فكرة جميلة ومثلما ذكرالاخوة الحين الجرائد ماخلت شي تكلمت كثير عن الغلاء ولكن هي المحاورة مثلها مثل غيرها يناقشون ولاهو لازم يتغير هذا على حسب سياسة البطانه الله يصلحهم ولا يآخذهم .. الشعار متخالصين ويتسامرون يوميا مع بعض وحنا نقطع في بعض ونتخاصم عشانهم.. |
واضح جدا ان تركي مصلح بيوته قبل المحاورة بينه وبين مستور لانه مندفع بدون تعريجه على اشارات مستور له وهذا لايرفع ولايقلل من شاعرية الشاعر لانها رساله او ( وصية ) كما قال تركي وليست فتل ونقض او نقاش حول قضية معينة
المهم هو التوجه النافع للناس في المحاورة للارتقاء بفكر جماهيرها من ضحالة العنصرية لنور الحقوق المدنية والمعيشية لهم |
اقتباس:
الملاحظه اللي علقت عليها ليست انتقاص في حق تركي بل توضيح تحياتي |
يا إخوان أرجو أن يكون النقاش عن الطاروق فقط الطاروق فكرته رائعه ولكن تنفيذها خاطئ المحاوره اساسها فتل ونقض مستور حاول يأخذ موقف الضد ويمثل جهه أخر ويحدد أسباب الغلاء ولكن تركي لم يعبر لأبيات مستور نهائيا وكأن البيت جاهز قبل رد مستور . |
اقتباس:
اخالفك الرأي اخي ابن المحايا فرغم ملاحظاتنا على المحاورة ولكن الموضوع أضفى بشعاعه على جميع الملاحظات انا اعتبرت هذه المحاورة رساله موجهه للملك من مجلس شعبي بحجم جمهور المحاورة وقد تكون الفكرة لأول مرة تطرق بهذا الشكل من شعار المحاورة حيث تميزت العرضه في ذلك والدليل رسائل عبدالواحد الزهراني وغيرة للملك من خلال العرضه والمهم في هذه المحاورة أنها اعتبرت صوت أو رساله حتى لو لم يكن الملك متابع فهاهو شعبان عبدالرحيم يصدح في أغنية شعبية ( أنا بكره اسرائيل ) وقد جاء من يقول ومن يدري عنك ياشعبان,,,, ولكن من خلال هذا الصوت جعلت من هذا المطرب الصعيدي البسيط تستضيفة قناة سي ان ان وتصل شهرته لجميع العالم. وكما قال ابن مشيب ان هذه خطوه نحو الصحيح من شعار المحاورة وهو مناقشة الوضع الاجتماعي ولو بمحاورة واحده في الليله حتى لو خلت هذه المناقشة من اساسيات شعر المحاورة أهم شيء مضمونها تحياتي |
السلام عليكم وحمة الله وبركاته محاورة رائعه اعجتني كثيرآ بين شاعرين من كبار الشعراء رمز فيها تركي بقوله (ياملكنا) لمستور العصيمي ورمز بقوله (شعب ) لجمهور الشعر وحسب مفهومي ان المعنى مدفون من قبل تركي ولا يقصد غلا المعيشه ولكن مستور العصيمي لم يتوصل الى مايقصده تركي وطلب منه التوضيح اكثر من مره وحاول تركي ان يوضح المعنى ولكن دون جدوى مستور العصيمي: مآلعب فى سوقنآ غير آلتستر وآلعمآله كيف آنآ آبسمع كلآمك وآنت مآتسمع كلآمي , آنظروآ فى وضعنآ تكفون يآصحآب آلعدآله لونشق آثيآبنآ مآعآد يلحقنآ ملآمي , ^^^^^^^^^^^^^^ ^^^^^^^^^^^^^^ ^^^^^^^^^^^^^^ وهنا يبين تركي انه ماباقي الا ان يكشف المعنى بقوله: كد كليناها من الاسهم وكلن راح ماله ياملكنا مابقى غير اللحم فوق العضامي هذه وجهة نظري ومن لديه مفهوم اخر يبنه ويذكر دلاءل ابتعادآ عن غلا المعيشه |
اتفق مع اخي الجوارسي ومشكور على النقل |
اعتقد أن حبيب مع حمود السمي تناقشو في محاوره عن الرمي بالعروس وطلق النار
مع ذلك كان فيه نقض وفتل لكن هذي قصيده وليست محاوره آلفقير آللي عليه ديون مآيصرف عيآله وآلخروف بقيمه آلحآشي ولو مآله سنآمي الشطر الاول يصرف عياله تصح هكذا !! |
تركي الالفين مبدع وشاعر علم
كما الحال عند مستور العصيمي والمعنى لايبد يكون واضح لانها قضيه هذه المحاوره تذكرني بمحاورة غزه اللي جمعت تركي الالفين وفيصل الرياحي الله يرحمه وهذا شي عادي منذ القدم القضايا تناقش وعلى المكشوف وابن المحيا الله يهدك وش هالتعصب لهدرجه تركي مسبب لك مشاكل حنا هنا نحكم على المطروح بالمنتدى الماضي ليس بعين الاعتبار شكرا على هذا النقل الرائع |
اقتباس:
اولاً اسمي ابن المحايا ثانياً وش التعصب اللي قلته انا محاورة لايوجد فيها فتل ونقض تبغاني اقول محاورة قمة ولا محاورة لن تتكرر محاورة سواليف وهاذي وجهة نظري اقتنعت ما اقتنعت شيء راجع لك |
ذكرتنا بمستور العصيمي ايام السبعينيات
|
المحاوره بفكرتها مسبوقه من قبل وللأسف تركي 2000 لم يجيد الفتل والنقض
وأصبحت ابياته قصيده وكأن تم تحضيرها من قبل ويدل على ذلك انه لم ينقض أي بيت لمستور العصيمي وصار في وادي وخصمه في وادي عموما الفكره بأكملها لم تعجبني لأنني سمعتها من شاعر زهران الشاعر الكبير : عبدالواحد الزهراني يقدم عدة رسائل للملك وللحكومه عبر فن العرضه الجنوبيه واصبح متألق في تقديم رسالته عكس ما حدث مع تركي 2000 وعدم اجادة الفكره الجديده بالنسبه له ولو انه تركها على وضع القصيده لكان ذلك افضل .. تحيتي لك يالغااالي .. |
مبدع يامستور وشاعر كبير
وش جاب البحر مستور عند القليب تركي ضيع الفكرة والمعنى تركي .............................................. |
اقتباس:
ابن المحايا الله لايهينك تركي يشكي الفقر لملك الشعر مستور تركي العصيمي ولايلام الله يرفع عناا الغلا |
الفكره جيده بالرغم انها مقلده ومسبوق عليها محاورات بالطابع
مثل محاورة مستور وحبيب الشهيره والتي انطبقت عليها شرووط المحاوره في الفتل والنقض وعدم سطحية المعنى عكس هذه المحاوره . اما بالنسبه للامير سلمان يتابع تركي الفين ومقربه منه فهذي نكته جديده نحن نعلم ان تركي المريخي هو من اوصل تركي الفين عقب شاعر المليون وانتهى كل شي بعد ذلك. طيب هنا ليه مانقول ان صوت يوسف العصيمي اقوى فالوصول للملك دايركت لانه هو الشاعر الوحيد الذي وجه له دعوه من الديوان الملكي من شعراء المليون وتم استقباله بشكل رسمي . يعني زود الخيالات مايصلح والله. وبالنسبه للاسعار لن تنزلها قصيده او غيره هنالك الان دراسه للاسعار وهي دراسه لها فتره طويله وبانتظار خروجها اما الملا باذن الله حول تحديد الاسعار وتقنينها. احيان الشعراء يتعرضون لفترة خموول وركود فلابد يفتعل شي حتى يتحدث الجميع عنه ويعود لتوهجه. الصراحه محاولات مستور في جعل المحاوره شيقه مستميته وفعلا شر البيلة مايضحك تركي قتل جمال المحاوره بالاعداد للابيات من قبل وذلك واضح في الابيات. اكثروا من الاستغفار تحياتي للجميع ودمتم بمحبه وود |
شكرا ياصاحب الموظوع
|
من عام 1412 لم اسمع ولم اشاهد لك محاورة بهذا الشكل
لكن الله يلوم اللي يلومك يابو تركي هذا هو حال شعراء اليوم رحم الله وقتك الماضي ورحم الله مطلق وصياف |
| الساعة الآن »03:14 PM. |
Arabization
iraq chooses life
Powered by
vBulletin®
Version 3.8.2
.Copyright ©2000 - 2025, Jelsoft Enterprises Ltd