يا مرحبا يالثبيتي لو نبيع العمر والدور = ترحيبةٍ عَجزت معظم محبين المعاني
لو تعتذر يافهد فالملعبه منته بمعذور = ولو قلتها مانقول الا بنا وسط المباني

دام البقا يالمرحب وانت لو تبيع مجبور=لابد تلقا جزاها فالعشر ولا الثماني
عن لازمي ماتعذر والولد ماهوب مشكور=لابد يقضي لزومه دامة ان العمر فاني

بعض السوالف تحد الادمي يطلع عن الطور = من قمة الضلع تنزل ويش جابك للطماني
لن كان معثور هذا العام مضمونِ له كسور = من وكلك تحكم اهل السفن في مد السواني

المشاركة الأصلية كتبت بواسطة فهد الشهيب الثبيتي (المشاركة 1121770) وعليكم السلام ورحمة الله ارحب يالسمي والفائدة لي دام البقا يالمرحب وانت لو تبيع مجبور=لابد تلقا جزاها فالعشر ولا الثماني عن لازمي ماتعذر والولد ماهوب مشكور=لابد يقضي لزومه دامة ان العمر فاني

نزلت من شان البي دعوتك والبال مسرور=ياللي تحسبون نظم الشعر يادانه وداني
ياكثركم مار مامنكم حكيم ٍ يحكم الشور=اطيبكم اللي يطبق لحن تركي والسناني

اللي يطبق نظام مشارك اهل السور فالسور = ما هو بمنا وانا مسؤل عن منطق لساني
بعض العرب فالتزري كاسبٍ فكٍ وحنجور = ويعدد الناس ما بين الثعل ولا الحصاني

الله يهنيه ياراع المثل والزاد مخشور=ياطيبكم كان راحت للملاعق والصواني
الامر لله وحده والرجل منهي ومامور=ياصاحبي يافهد ماانته بعير ولا حصاني

اكيد هذا الثبيتي مفلس الكفين مجبور = ترى الدقايق على قول العرب فوق الثواني
انا اعرف انك كسبت الطيب من يمناه بالدور = والله وكيلك بعد حطوك بعده فالمكاني