هلا مرحبا ترحيب حشمه وتقدير = اقوله عن اهل المنتدى بالنيابه
ومن كان فاضي يالوجيه المسافير = ينوٌخ على باب العتيبي ركابه

المشاركة الأصلية كتبت بواسطة فارس المورقي (المشاركة 1119286) هلا مرحبا ترحيب حشمه وتقدير = اقوله عن اهل المنتدى بالنيابه ومن كان فاضي يالوجيه المسافير = ينوٌخ على باب العتيبي ركابه

هلا يالمهلي والقدم لجلك تسير = وأنا ناوياً أشوف لون السحابه
حضرنا نشوف الطاير اللي مع الطير = كفخ بالجناح وعظم الله جنابه

سرى الليل ياليل السعد والتباشير = نصينا الجنوب وجاب ربي عقابه
يبا يستوي صيد الحجل والعصافير = عسى ماتروٌح من يدينا نهابه

أنا واقفاً في ماقفي ماقف النير = يهل نجد لاجينا تجيكم مهابه
سري الليل ياجساس لاتطعن الزير = ترى الزير له داراً وقوماً ولابه

وحنا ليا جيتوا على الشر والخير = جبلكم نساوي قمته مع ترابه
ترا الموج مايقلب كبار البوابير = هذا الواقع الي مايخالف صوابه

علي الهون لا تكثر ترى الصبح بينير = وترى السيف يعرف سلته من نصابه
ترانا جنوب العز من دون تقصير = وحن ساس أهل المجد ضرسه ونابه

معازيب ماتجهل حقوق المساير= تبا الخير دام الشر مقفول بابه
هل المرجله واهل السيوف البواتير = خوال النبي ياصاحبي والصحابه

وأنا ضيف ما بجهل حقوق المناعير = علامك يا فارس حارت أبك الكتابه
خواله رضاعه بالذهب والدنانير = وجاكم إلى الطائف وقمتوا عصابه

مدام ان شيطانك يدفك على البير = خطير انها ترجع حروب وطلابه
ترا مانبا منكم شهادة وتقدير = مدام ان عينك كبر عين الذبابه

ههههههههههههههههههههههههه

صح الله لسانك يافارس وترى الدعوي تسليه وانا خوك
أستلم

أنا شاعرً وقت اللقاء ماني أحير = أجيد الكتابة ثم أجيد الخطابه
ويا ليتك تغسل يدينك من الشير = علق في يدينك والمشاهد درابه