سلام والملعبه تبغى بعيد النظر = الي يعرف العلوم ويحسب حسابها
بعض المواتر ليا طاحت في وسط الحفر = اما انطفى نورها ولا انقلع بابها

أهلاً هلا والملاعب كلبوها درر=إليا وقفنالها نعطيك مشعابها
بعض المواتر يا فارس ما يجيها ظرر=إليا أستواء الخط ولا حادر أشعابها

وابك البقى مير حنا ماندحدر حدر = المورقي من رجال ٍ تفتل اشنابها
الديره ام النخل ماعاد فيها تمر = مدري من ضيوفها ولا من اصحابها

المشاركة الأصلية كتبت بواسطة مانع بن حصان (المشاركة 1118644) وافي يالذيب لاهنت لاهنت

نعمً بكم كلكم ولكم وقار وقدر=نعرف شيوخ العرب مانجهل إحرابها
الديره أم النخل تثمر وفيها ثمر=والله يعز الرجال اللي تعزوابها

بعض العرب مثل شوراكم فخر للبشر = وبعض العرب ماتساوي قيمة ثيابها
البحر يالعازمي مابين مد وجزر = والارض ماعاد تسمع عويت ذييابها

المشاركة الأصلية كتبت بواسطة مانع بن حصان (المشاركة 1118658) الله ،،،،،،،، الله ،،،،،،،، فارس اتوقع السبب من اصحابها واصلوا يالنشاما بيض الله وجيهكم

هذي عتيبه يافارس وألي والك الفخر=والا البقيه عسى مايفرق أحزابها
إليا نحتنا نحتنا ياعرب من صخر=ولا الذيابه تموت ولا بلشنابها

مافيه شك العتيبي مثل سهم النحر = بين العرب رايته في راس مرقابها
مار الدهر يبس عروق النخل والشجر = يالله عساها بغيث ٍ يسقي ترابها

الشك زايل وكلً عارفً بالخبر=عزوة عتيبه رواسي نجد وهضابها
أبنشدك يابن مورق كانك من الحفر=انته تعرف الحفر ولا تلوابها