مرحبا ترحيب يعطي كل شاعر حسب قيسه = الحساب اللي يناسب له عشر والا ثماني!!
من بعد بحث وتحري لأكبر أصنام الكنيسه = قالوا أنه فالضلاع اللي على خط المحاني!!

البقاء ياشاعرٍ رحب وله قيسه نقيسه=الجزاء فالطيبه بالطيب مانجزاه ثاني
يالجذع مانعبد الاصنام ,, والناس الخسيسه=لو تقول بقولها ماتطرح طوال المباني

البنادم ويش خانه نفسه أن طاوع إبليسه = عقب منزاله على القمه يعوْد للطماني!!
انت عينك في سنون السبع والا فالفريسه =القدر محتوم مابين الدقايق والثواني!!

المشاركة الأصلية كتبت بواسطة محمد ابن رووق (المشاركة 1117146) صح لسانك يا أبرهة الجذعان

صح بدنك ولاعليك زود :)

العلوم مطوله وحبالها الليله مسيسه=وانت لو ينوشك الاصعر ضيوق ولا تداني
علم اصحاب القلوب اللي على غفله غطيسه=ولا انا مؤمن بربي والقدر سر وبياني

انت لو الارض تظهر لك معادنها النفسيه =ما توصلك العزوم الجدي وسهيل اليماني!!
اليتاما فوج كامل والعشاء أظنه مريسه = مار اغر عساك تلقى لك على السفره مكاني!!

..

ياعجم رحتو على درب العرب حيسه وديسه=جنبو ياشلة معمر وشلة طالباني
الله انه لا يبارك فيك يالدنيا التعيسه=اليتيم العام صار اليوم تاجر في عماني

البخيت اللي يقدم فالقسا سيفه وكيسه = مايدورها عواري من فلان ومن فلاني!!
الحقايق بينْه والمرء بيْن من جليسه = الله إنه لايواخذني على كلمه لساني!!

البخيل يدس زاده مير مادور دسيسه=والرجل يدرك مطاليبه مع طوال اليماني
لا تنافسني على سطح القمر يابن نفيسه=لد عينك فالمطيري والبقيلي والسناني