جهلت فالوقت لين اغرتني احلامي=اللي بكل الطرق حاولت احققها
ارمِ الهدف والصواب يصير فالرامي=وارجع كفوفي من الحسرات اصفقها
ومن بعد ماطاح غصن الحظ قدامي=وصارت همومي تسابقني واسابقها
وعرفت بني منول عايش اوهامي=اصدوف بقعا عليه لاح بارقها
عجزت لاصل مرامي وارفع اعلامي=وازريت لااطوي هموم الوقت واغلقها
ضلمني الوقت لو ماني بضلامي=ورجلي بدرب الشقاوه صرت سايقها
امنول احلم واحاول واكرب احزامي=واليوم ليت السلامه بس اعانقها
وقتٍ تدبلج علينا مثل الافلامي=كمّ انتفاجا بامورٍ مانصدقها
نمشي قدم ماحسبنا دور الايامي=ماندري الشمس وش تخفي بمشرقها
كم فيه اماني ولكن بحرها طامي=ماظنتي لو يطول العمر نلحقها
وكم فيه ناسٍ تموت وجرحها دامي=ماباحته للعرب والحزن خانقها
وكم واحدٍ ماصحى من بعد مانامي=وياكم دعاوي جهلنا في حقايقها!!
وكم فيه ناسٍ رخوم تسيب الضامي=والوقت في سوق كل المدح سوقها
وكم فيه ناسٍ اعزاز نفوس واكرامي=مير الزمن عن فعول الطيب فاهقها
والفرق واضح مابين اليوم والعامي=وساعة ليال العنا ماابطا دقايقها
لكن ابا اصبر وابا اكتم جرح الايامي=واحلام عمري بجمعها وابا اعتقها

وكم فيه ناسٍ اعزاز نفـوس واكرامـي=مير الزمن عـن فعـول الطيـب فاهقهـا

المشاركة الأصلية كتبت بواسطة سلطان طلحة (المشاركة 1116123) عناد الشيباني صح لساتك واعتلا شانك لاهنت

الأخ الشاعر

عناد الشيباني

ماشاء الله عليك

تنهل من منهل عذب وغزير

إسترسال وتكامل وترابط بين الأبيات يدل على التمكن

صح لسانك والله

تحياتي

المشاركة الأصلية كتبت بواسطة نايف المغيبي (المشاركة 1116144) وكم فيه ناسٍ اعزاز نفـوس واكرامـي=مير الزمن عـن فعـول الطيـب فاهقهـا الاخ عناد الشيباني /اسمح لي ان اقول انت مبدع ولك شكري

المشاركة الأصلية كتبت بواسطة فهد الشيباني (المشاركة 1116179) صح السااااااااانك يا عنااد مبدع كما عهدناااك .

المشاركة الأصلية كتبت بواسطة حفيد المسنحاني (المشاركة 1116319) عناد صح الله لسانك ولاهنت

المشاركة الأصلية كتبت بواسطة وصل الشهيب (المشاركة 1116324) الأخ الشاعر عناد الشيباني ماشاء الله عليك تنهل من منهل عذب وغزير إسترسال وتكامل وترابط بين الأبيات يدل على التمكن صح لسانك والله تحياتي

المشاركة الأصلية كتبت بواسطة فهيد الرويس (المشاركة 1116343) الله لله صح لسانك ملااااااااااااااايين على هالشامخه وتستحق خمس نجوم بكل جداره بس وين بن سرحان ولاعيضه حتى نعمده هههه ننتظر المزيد من الابداع تحيتي وتقديري

المشاركة الأصلية كتبت بواسطة خالد فواز الشيباني (المشاركة 1124332) عناد صح السااانك ولاهنت

المشاركة الأصلية كتبت بواسطة علي الثبيتي (المشاركة 1125701) وكم فيه ناسٍ اعزاز نفـوس واكرامـي مير الزمن عـن فعـول الطيـب فاهقهـا لله درك شاعر متمكن وجزل صح لسااانك حتى ترضى

المشاركة الأصلية كتبت بواسطة محمد العتيبي (المشاركة 1128732) ابن مشيب صح الله لسااانك على هذه الرائعه الفريده .. امتعتني بقرائتها .. تحيتي لك ..