تفضل يابراهيم الجذع سولف ... وخذ فنجال= من البن اليماني ما ختلف شكلة ولا لونه !!!
انا خابرك رجالٍ صميدع راس ... يارجال= لكنّ اللي حصل بين القبيلة كيف ترضونه !!!

المشاركة الأصلية كتبت بواسطة مشاري الشيباني (المشاركة 1115698) السلام عليكم مساء الخير ابراهيم الجذع ودنا بطاروق للاستفادة اذا سمح وقتك تفضل يابراهيم الجذع سولف ... وخذ فنجال= من البن اليماني ما ختلف شكلة ولا لونه !!! انا خابرك رجالٍ صميدع راس ... يارجال= لكنّ اللي حصل بين القبيلة كيف ترضونه !!!

ترا حنا نشوف الكيف تال الوقت راح اشكال=وبعض الناس يشري والمكاسب غير مضمونه
وأنا رجال لا صليت ماني عابد التمثال=اسج الرجل وأخل القدم يمشي على هونه

تقول الكيف راح اشكال .... يارجال كيف الحال= ماتعرف شي في كيف الرجال اللي يسوقونه !!!!
احسبنّ الجمل معلول واثر الشرّ فالجمّال= عتيبة وش مصبّرهم على شيٍ يشوفونه !!!!

من اللي يعرفه لا صرت معرف يا وسيع البال=عساه اللي يركب جمرته في راس غليونه
ترانا من قديم الوقت لعيون الخصيم اخلال=وأظن الضلع ما ينراز لو قمتوا تهقوونه

ابن عاقل يعرفة .. والجذع سلطان .. والابطال=خسارة ليتني سقته على ناسٍ يعرفونه !!!
انا مالي ومال مهاتراتٍ جوبها الجهال= عقولٍ من ظلالات الجهل مليا ومشحونه !!!

ترا لو أبن مشيب شاعرٍ معه العلوم اجزال=يروح الــ شاعر المعنى وأخذ سيفه ومليونه
أنا ابغا بالريال اريال ما اقبل فيه ربع اريال=تحسب أن الثمر لو ما تطوله مالت اغصونه

عسى فيك بركة وتروح وتشارك وفالك فال= يصير السيف والله من نصيبك مايردونه !!!
وانا بعض السوالف ياولد مالي بها مدخال= ياراع الشجرة اللي ماثمرت ياكود ليمونه !!!

يغرك قبلها ظاهر علوم القوم والأمثال=بعد ما شاف جني ولد مشيب صاح مجنونه
تجيبون العقد من غير قصد وجالها حلال=ومن مثلك يلومونه وخصمه ما يلومونه