سلامي سلام ٍ فيه معنى وتضمين=ومعناه يختص الرجال الفهيمه
اشوف العرب في تالي الوقت مقفين=ولن شفت واحد قلت وش هالغنيمه!

هلا مرحبا والبرق ينشاف بالعين=ولو ان غيمه غيمت فوق غيمه
تكلم على كيفك واحاسبك بعدين=يجي يوم واذكرك في هـ الكليمه !

يبا يبرق البراق ويسيل سيلين=ولكن توقع يعقب السيل ديمه
لقينا بني مره ثلاثه وشيخين=وسادسهم اللي جوّد شداد ريمه

من الزين ماخفنا وخفنا من الشين=ترا عاقبة بعض التهور وخيمه
بعد ضيقتك هذي ترا الناس دارين=ليا جتك رضوه خل نفسك كريمه !!!

ليا من دخلك الخوف حنا شجيعين=لكن الله اعطانا قلوب ٍ رحيمه
لك الله مااسوي سواة المساكين=ولاجيت ادور دام فالراس شيمه

انا من عرفتك وانت من حين لاحين=تشق الصفوف ولاتسوي جريمه
طلع لجنةٍ لمخالفات الدكاكين=اذن الثبيتي يشتريله غنيمه

تقوله وانا اللي محتمي ماقفي زين=وفعلي مثبت فالعصور القديمه
ترا ماجهلنا في نظام القوانين=عقب هذي اظنك تحصل قسيمة

مشينا قدم وانتوا على الخلف ماشين=كلامٍ يزَعل هن يرضي خصيمه
تناوشت قش الناس والناس ممسين=عسى صرتك تنفض وترجع سليمه

تقوله وحنا من رجال ٍ مسمين=وبعض العرب من ضعف حالف غريمه
عطاكم طويل العمر خنجر وسيفين=عقب مابراد الجو ذعذع نسيمه

لو ان الزمان يعود شفت الامرين=على الامن خلك والك حشمة وقيمه
غلا البشت قدم يحل برد الطويلين=وكلن غدا يدخل على ايات خيمه !!

لو يعود بعض الناس تسرح مع الضين=على الهون مادام الك قدر وحشيمه
ترا البشت مايذريك في يوم الاثنين=ليا جاك شيخ ٍ قام يكرب بريمه