مرحبا ترحيبةٍ مثل المطر ساعة هطوله = للجذع سلطان من دون التمنن ما نباها
المزاين اشغل اعقول العرب ساعة وصوله = ذود ابو خالد كريم اليد عالي مستواها

بارك الله فيك فكر فالكلام اللي تقوله = الوجوب امست ركابك دونها والا وراها!!
ماعليه خلاف إله فالاوله دور البطوله = المصيبة فالعجوز اللي تحت فيّة عصاها!!

الصحيح اللي يقوله في زمانك ما يطوله = وانت ياسلطان مدري من ذكاء ولا تراها
قبل مده شفت رجلٍ ما يناظر في رجوله = والمصيبه ساقه اليمنى تحده ويحداها

يوم دار الشك حولك وانت قمت تدور حوله = يمكن الافكار مايطوّل على شانك مداها!!
في اي ديره يافهد شفته ..؟ وعند ايا حموله ..؟ = السوالف للعوارف هاتها من مبتداها!!

الجذع لو كان فالجو وش يدور من نزوله = لايطيح فحلقة الصياد ثم يصبح عشاها
يالعتيبي لاتعجل مثلك يحب السهوله = لا تناظر فالنجوم اقع تحول من سماها

الاكيد ان البلد مايستوي عرضه بطوله = والعوارف لو تساوت ماتفاوت مستواها!!
الضياع اللي على اول مرحله باقي فصوله = سلعةٍ مايربح اللي باعها واللي شراها!!