قصيدة تشرّفت بإلقاها في حفل زواج ابناء الشيخ

فهد بن سعد الثبيتي


:
:
:
:

الكيف الأشقر دايراً فنجـــاله=والعود الأزرق يافهد يبراله
هذي عوايد من يعز ضيــوفه =والطاله اللّي مابعدها طاله
الضيف يسمع له مية ترحيــبه=من مشيه من الباب لين الصاله
وقدامه تقول الضباب الشتـوي=وهوه مغير الطيب مع شيّاله
واللي مايدري عن عوايد ربعي=يمكن عن اللّي قبله يورّ اله
جمّلت ربعك ياعريب المنسـب=واللّي سواتك جمّل الله حاله
والله يجملني بشعــرٍ وافـي=ماحداً من الشعار قبلي قاله
ولا أودّي أطوّل بسرد مدوحي=لو أن مدح ابن سعد يبقى له
وأن طاعني ياعزوتي بسم الله=سوّيت لي ديوان فيه لحاله
حضرت أبارك لك وفاء وحميّا=وتعيش يامن طيّب الله فاله
وأستاذنك بأرحب بضيفــانك=ممّا يشرفني بهذا الاّله
يامرحبا باللّي حضر واحيّـي=عد السحاب اللّي رزين خــياله
شرفتوا المحفل وشرفـــتونا=واللّي يجينا بالوفــــاء جيناله
حنّا ثبيت أهل الكرم والنخـوه=مرجع عزاةً تلطم العيّاله
وأهل الثلاث البيض من ماضينا=وافين حنّا والوفاء حنّا له
ودخيلنا يامن تحت هيبتـــنا=ونؤمّنه في حلّه وترحـــــاله
وخوينــا لن مالت ابه الدنـيا=ناقف بجنبه مايميــــل عقاله
وقطيـرنا ما كنّـه ألاّ منــّا=وإحلالنا وقت اللـــزوم إحلاله
وأكبر فخـر لثبيت في هالدنيا=أن الرسول يعـّـــد منّا خاله
والمعذره لن جاء قصورًا منّي=ياحضرة النقّاضه الفتاله
هذي قصيدة شاعراً مستعجل= العصر كاتـــبها على جواله
وصلوا على محمد شفيع الامّه=وصلّوا على أصحابه جميعَا وأله

أخوكم عيضه الثبيتي
27/10/1431

حنّا ثبيت أهل الكـرم والنخـوه=مرجـع عـزاةً تلطـم العيّالـه
وأهل الثلاث البيض من ماضينا=وافين حنّا والوفـاء حنّـا لـه
ودخيلنا يامـن تحـت هيبتنـا=ونؤمّنـه فـي حلّـه وترحالـه
وخوينا لن مالـت ابـه الدنيـا=ناقف بجنبـه مايميـل عقالـه
وقطيرنـا مـا كنّـه ألاّ مـنّـا=وإحلالنا وقت اللـزوم إحلالـه
وأكبر فخر لثبيت فـي هالدنيـا=أن الرسـول يعّـد منّـا خالـه