سلام الله بردية طعمها مثل طعم البنّ = ومرسوله امن اصحاب السمو لسايق الدنّه !!
معانيها خفيّه ماتفسّرها ملوك الجنّ = وحلمه فالسلامة .. مثل حلم ابليس فالجنّه !!

هلا يا مرحبا ترحيبة الرجال تاصل هن=ومرسوله من الرجال للي ما درا عنه
ولا يا شاعرٍ لهذيل لا تطلع ولا تطمن=كلامك ما ثبت قدمي وهذي ما بها منه

ابخبط فيك ابخبط فيك يابراهيم .. لين تونّ = واحط الوسم حق هذيل بين الخشم والصنّه !!
عشان اليا نصاك العلم ماتقرع قريع الشنّ = مواقيف الرجال اقوى لهب من لاهب الكنّه !!

تبا تبرك لحمله جايره وأنته حمولك طن=وكم من واحدٍ قدمك عتيبه خيبوا ظنه
أنا اعرف الكديش اللي نهار المعركه فزن=ليا شافت حصان القوم راس الحزم دكنه

يقولون الرجال .. ان الجذع ماعنده ولاسنّ = علامة واضحه فاللي من عتيبه كبر سنّه !!
احسبك مثل سلطان الجذع ,, لكن اثرك العنّ = كراعينك على سفح الجبل وتعاين القنّه !!

اظن أن الجمل نابه موقع فيك يوم تحن=وهذي عادته والحشو مثلك ما تعدنه
أعرفك ما تهيد الا ليا قمنا نرنك رن=وتخرم مثل من يخرم على الدخان ويكنه

شمر ثوبك من انسام الهوى ياصاحبي .. لاكنّ = يكفّي ماحصل .. واللي حصل مقسوم ماعنّه !!
الا ياللي على بالي تعال وقول لي شكرنّ = تمتّع بالسلامة .. والمريض يجاذب الونّه !!