سلامي على أبووافي جزيل السلام .... من هجوس(ن) يرج الناس مشعابها
 

بانتظارك
وشكرااااا

هلا والله يا ولد عوجان لى الشرف



استلم عساك سالم
مرحبا ياولد عوجان ولك احترام
عد ما سالت الوديان وشعابها
ما نحسب لها الا في حلال وحرام
ابن خيمتك زين وجود اطنابها

الله الله
استلم
بعد فنجالها يزين معك الكلام
........... من تغدا بها ترا تعشا بها
ضارب أوتادها ومشددن الخيام
.......... أنت ند(ن) لها ولا من أصحابها

الله الله


استلم

في نهار العزاوي في نهار الزحام
من له عزوة (ن) لا بد يتعزوابها

عزوتي ياعتابه يا صلاب العظام
يالجذع جود السكين بنصابها

الله الله
غردي يا حمامة مع اسراب الحمام
........... يجرف التيار دايم منهو ياطابها
فتنة(ن) داخلية توقظ اللي نيام
.............. العرب يا العتيبي تعرف أنسابها

الليل سرا يا ابو وافي

استلم وسلم
قالو اعز حاجه فالجمال السنام
حتى لو كان فوقه ترفع ارقابها
الفتن ولعوها عيال الحرام
الله انه يلعن الفتنه ومن جابها

طيب طيب

كان تبغى الصراحه ما بقى لك مقام
.......... يا ملبسها اثيابن ماهي أثيابها
صف في صف الأرنب ولا صف النعام
............... لا تقرب من الحية لا بدا نابها

عجيب عجيب

استلم

القمر ما يبان الا بوقت الظلام
وانا في صف ارجال(ن) تفتل اشنابها

ما عليه خلاف ومحتزم لي بحزام
اطى على الحيه واكسر انيابها

يا ولد عوجان حدث الصفحه فيه تغيير



وعجل علانا

طيب طيب
القمر لا شاف الشمس ايصف احترام
............. كان ما تقدر الوقفة لا تحمابها
عايشة في وهم يا طيور الظلام
............ ما تسوي لو تسوي ما تسوابها

شاب قافك يبن عوجان الظلام سرت



فرصه سعيده ونشوفك على خير والسموحه



استلم
يا ولدعوجان بكره ورانا دوام
ون سهرنا زياده يرفع اغيابها
مار تصبح على خير ابا روح انام
فرصة(ن) طيبه يالذيب نحضابها

تسلمون يالربع

الله يبيض وجيهكم على العب الطيب

الله يبارك فيك يا داهية عتيبة
وشرفتنا بمرورك

ابو وافي ما قصرت وبيض الله
وجهك الحقيقة ما ينمل اللعب معك
وشكرااااااااااا