|
بـن ثايـب و شــاهــر الـعــنــزي
محاوره جمعت الامبراطور : بن ثايب والشاعر : شاهر العنزي في الرياض
زوراج الشاعر :: بدر الخالدي بن ثايب : ســلام عليكـم يـا شـغـامـيــم الآلآد @ سـلام ن مليـح كلكم خابـريـنـه حضرنا وشرفنا على روس الاشهاد @ على شان بدر وربعه الله يعينه شاهر : ترا اللي يشوفك يحسبك جيت هداد@ توقـع نبـا فيه المعاني ثمـيـنـه .................................................. .................................................. ........ بن ثايب : يـا مــال السلامـه ياثـمـود ولـد عــاد @ عليك وعليها من الملاسيب عيـنــه !! توكل على الله واقضب الدرب من غاد @ عساها تحفك لامشيت السكينه شاهر : انا مانشـدتـك عن مواضيـع الاكـراد @ وكلن نصيبـه ماتحـوشه يـمـيـنـه تـرا لـلشعـر شاعـر وللشعـر نـقـاد @ وقال المثل تلقى الخبر مع جهينه بن ثايب : تولــى جــلال الطالبانـي ولا فــاد @ ومسعـود بن عمـه يهـز المكيـنـه تـجـملت ياشاهـر وتوجت الامجاد @ بـحـرب الكـويـت وكلـنـا عـارفـيـنه شاهر : علوم العرب سم على بعض الاكباد @ وانا وانت ندري بالفخر والغبينه أبنشدك ماعيـدت في ذيك الاعياد @ بـخـل منك ولا من تولى الخزينه بن ثايب : خذيتـوا من الاحفاد بوجيه الأجداد @ تحطون مكه في محل المدينه!!! نـبـي نحتفل لاصار به عيـد ميــلاد @ وما خـالـف السنـه تــرانا ندينـه شاهر : عسى الله يجاهدك انت تحتاج الاجهاد @ ولاهو خطا لاقلت ماني سنينه ألــى يـالـمـعـزب جــيـب دلــه وبــــراد @ ترا المور تالي الليل زايد حنينه بن ثايب : عسى الله يعفا عنك شاعــر وقصـاد @ مليت المجنه من زهور الجنينه زحفـنـا على العالم جماعات وافــراد @ لو انك لحالك مابحثنـا الدفينـه شاهر : عسى الله يعفا عنك طيب وجحـاد @ تشوف الهدف لكن تحذف يمينه زحفتو ولكن زحفكم مـــاش مافاد @ ألـى وعـذاب اللي تـبـيـح كنيـنـه بن ثايب : لو أأنا نراعي خطر الناس الأجواد @ قعـدنا ورا حـد القـرا من بطينه يابـو عيـن صفرا كنـهـا عـيـن حداد @ هجمنا عليكم هجمـة مسـتـبـيـنه شاهر : ماتملك حبال ورحـــت للبـيـر وراد @ وحنا مانخشى الوقت عسره ولينه عيوني عيون الصقر ماهي برقاد @ عسا قلب بن ثايب تجيــه السكينه بن ثايب : ياشاهر تراك مقيم والحي شداد @ ترد الكلام ولاذبحت السمينه ذممنا بريه من اهل الصاد والضاد @ سمعنا وشفنا والله موحدينه!! شاهر : ترى الحجه اللي ماتثبت بالاسناد @ ماتقبل وراعيها ماتقبل يمينه |
لهنت اخوي على الطرح لاكن المحااااااااوره ارا أنها محاوره عاديه ولا فيها شرشحه على قولتك
|
صحت الاسن الشعار
ابن ثايب شاعر |
هارون المقاطي : مرورك شرف لي ولو دققت في معاني بن ثايب لوجدت انها قووويه
خلف المطيري : لاهنت ومروك شرف لي |
محاوره جميله بين شعار كبار
ولاهنت على النقل يا الشهراني |
لاهنت يافالح ابيض وجه
نـبـي نحتفل لاصار به عيـد ميــلاد @ وما خـالـف السنـه تــرانا ندينـه يامسرع الحوصه :) |
لاتكره الناس بشاعركم هذا اذا كان يحسب شاعر محاوره بالفعل
القلطه نقض وفتل ومعنى وحبك وسبك ماهو مسابق على تركيب البيوت بعدين وين الشرشحه يعلم الله قرأت الطاروق بتركيز وتمعن وجدت ابيات شاهر اقوى فالمعنى والتركيب ياجماعة الخير عيب اللي ينكتب كل يوم عنوان تمجيد لشاعر قبيله وضحك على الذقون لكن الشرهه تسند على العقّال |
يعطيك العافيه على النقل الرائع
|
اقتباس:
هلا فيك أخوي عقاب ليش تتشرهه كل شخص حر برايه ويكتب اللي هو مقتنع فيه أنا اقول هذا الكلام وأنا والله رايي مثل رايك انا شاعر واعرف المعاني وارا أن شاهر مبدع لأبعد الحدود لكن كل شخص له نظرته وله راي وحنا نحترم جميع الآراء |
اقتباس:
اما شرشحه قويه ,بئس البضاعه والله |
اقتباس:
كبـييييييييييييييييييييييييييييييييييييييييييييييي يير يا ابراهيم |
اخوي عقاب العنزي كلامك على عيني وراسي ..
لكن شاهر اعترف في مجلة المختلف بقووة ابن ثايب وانه استفااااااد من خبرته الطويله ... وارجو منك ان تفسر بيت شاهر بما انك شاعر : الله يجاهدك انت تحتاج الاجـهـاد @ ( ولاهو خطا لاقلـت ماني سنـيـنه ) وأرجوا ان تفسر بيت بن ثايب : خذيتوا من الاحفاد بوجيه الاجداد @ تحطون مكه في محل المدينه __؟؟ وهل هذا بيت خالي من المعنى ؟ |
أأبو حمد __ الكايـد __ الجذع __ الدغيثر __ متابع هنا وهناك
بيض الله وجيهكم ومروركم شرف لــي |
اولا اسلم عليك اخي فالح
ثانيا : لكل الاخوة خاصة من ابناء عنزه التحية والاحترام وكلامهم صحيح بخصوص العنوان فعلا فيه استفزاز وتخيل اخي فالح ان العنوان هو بالعكس لشاعر من قبيلتك؟ لازم نراعي مشاعر كل الاخوة وفي نفس الوقت اجد عذر وحيد لك ان كنت تريد الاثارة به فقط ودخول اكبر عدد من الاعضاء للتعليق ثالثا وهو الاهم بو منيف شاعر ومايحتاج وشاهر شاعر وكل انسان له نظرة ورأي يحترم انا شخصيا ارى بيوت بن ثايب جميلة وفيها صنعة شاعر مثقف ومطلع ولكن ليس فيها اي نقض وفتل والكلام ليس عن هذه المحاوره ولكن بنظرة عن محاورات بن ثايب على النت وانا لازلت احمل جمهور بن ثايب جزء كبير من هذه المشكلة فهو جمهور سلبي لا يقوم الشاعر ولا ينصحه ولايحاول توجيهه لما هو أفضل بل يكتفي بالتشجيع الصاخب داخل وخارج الملعبة والتعرض لمن ينتقد او يقول رأي مخالف بأبشع الالفاظ وهذا ا لكلام تحشم منه اخي فالح انا اتكلم بشكل عام ومن تجارب في كثير من المنتديات دمت لمن تحب اخوك |
أخوووي فـهــد :
كلامـك تـاج على راسي .. ولكل شخص وجهة نـظره .. وبالنسبه للشـاعــر / شاهــر العنـزي وقبيلته تاج على رأسي وماقصدت استفـز احد مـنهــم .. ولك ولهم افضل تحيه |
اقتباس:
انا لي فمنتدى عتيبه قرابة خمس سنوات ماعمري صادرت رأي احد او تهكمت على شخص.. من مبدأ اني ضيف وقال المثل ياغريب كن اديب لكن لاحظنا والجميع ملاحظ بعض العناوين اختيارها سلبي يعني هل ترى لفظ شرشحه رأي يستحق الاحترام ؟ فما بالك اذا كان الطاروق مافيه شي من هالقبيل القضيه للاسف الشديد كل ٍ يبي يفرض شاعر قبيلته ويجعله الافصل انا مادافعت عن شاهر كونه عنزي انا استفزني صياغة العنوان رأينا عنزه جعلت شاهر الابرز في تاريخ المحاوره وقحطان جعلت ابن شايق الاسطوره ومطير جعلت سوار الذهب امبراطور الملعبه وعتيبه جعلت سفر كذلك و و و و وفالنهايه جميعها تضخيم وتلميع .. انا لو رأيت من يمدح شاهر فوق مايستحق يعلم الله سوف اقف ضده الذي اوده ان لابد كل شاعر يعطى حجمه السليم بدون تضخيم وتلميع ودعايه وفرض على ذائقة الجمهور الشعر اسمى بكثير والملعبه اسمى فا ياليت ننظر للامور بمنطقيه اكثر وبوضوح . تقديري |
ابن ثايب وشاهر شعار عمالقه ولهم جمهورهم العريض ... وعبارات كالشرشحه وغيرها ... لاتليق بهما ولا بوجودها في الهيلا .. تم تعديل العنوان حشمه وتقدير لهم ... مع التقدير للجميع ... |
الله يمسيكم بالخير يا رجال
مع احترامي لـ جماهير ابن ثايب .. ابن ثايب لا يجيد الفتل والنقض .. فقط ردود طايشه بلا تركيز بالنسبه لـ شاهر العنزي شاعر فتل ونقض ومبدع واستاذ بلاشك احترامي وتقديري للجميع |
بن ثايب وشاهر معروفين في الساحه الشعبيه وفي غنى عن ملاحظاتي التي بطرحها الآن
حضرنا وشرفنا على روس الاشهاد @ على شان بدر وربعه الله يعينه لاحظ في الكلمات التي عليها خط ، الله يعين بدر وربعه في كل حال ونقول آمين لاكن حسب ماهو دارج عندنا إنها تقال إذا حصل على المدعو له عبء أو بلوى ورد شاهر العنزي الذي أوردته أنا ماأدري هو هذا ولا أنت أخطئت بالترتيب لاكن المفروض إن شاهر يرحب الا إذا كان ملاحظ شيء علىى بن ثايب أو لاحظ إن فيه دفن أو معنى على وجهين يرد بترحيب ويخليه على وجهين بعد له الترحيب ولاهو بـ له ،، أيضاً أستغرب تركيب الكلمات (لامشيت السكينه) !! ،، و (توقـع نبـا فيه المعاني ثمـيـنـه) << أشوف إنها جمله غير مفيده ناقص آل التعريف على كلمة ثمينه وإذا كان فيه كسر للوزن شاهر ماهو محدود على هذا الشطر ،، |
محمد بن غازي : بيض الله وجهك ومرورك شرف لي
محمد اليامي : ابن ثايب خدمته في الشعر تزيد عن 40 سنه .. ولو لم يكن يجيد الفتل والنقض لما شهدوا له شعراء المحاوره انفسهم ومنهم شاهر العنزي والذي صرح في مجلة المختلف انه استفاد من مقابلته لبن ثايب ومن خبرته الطويله ... فكيف يستفاد من شاعر لايجيد الفتل والنقض ؟؟؟؟ اخوي عبدالمجيد : نقدك على العين والراس لكن كلمة( الله يعينه ) لها وجهين وكلاهما دارج . وبالنسبه لــ( عساها تحفك لامشيت السكينه ) فأأرى ان مافيه شي ولا أظن احد يخالفني في هالشي . |
في هذه المحاوره :
شاهر كرر كلمة ( السكينه ) وكرر كلمة ( يمينه ) ثلاث مراات.... !!!!! |
أخوي فالح أقدر أقول أنت مشيت الهدوء أو مشيت الطمأنينه ؟؟
أما التكرار هذا وارد حتى عند الشعراء القدامي لاكن على أيامهم الصفوف تنبه ( سرت ، سرت ) |
اخوي عبدالمجيد ::
اكيد ( مشيت السكينه ) غير مفيده ... لكن عندما تذكر الشطر كامل ترا انها مفيده مليون في المئــه .. ( عساهـا تحفـك لامشـيـت السكيـنــه ) لا ارى فيه شي ... ومع هذا احترم وجهة نظرك .. |
فعلاً أنا آسف تسرعت و ما أنتبهت لكلمة تحفك :) فالمقصود باللذي عساها تحف الشاعر (السكينه)
|
بن ثايب :
يـا مــال السلامـه ياثـمـود ولـد عــاد @ عليك وعليها من الملاسيب عيـنــه !! ماستوعبت هالبيت ممكن احد يتفضل علي ويشرحه؟ لاحد يجيني يشرح لي الكلمات اعرفها ابي واحد يشرح لي البيت كامل |
شكرا يا فالح لكن أنا بعد أن شاهدت محاورة ابن ثايب ورشيد الزلامي أدركت أن ابن ثايب ضعيف جدا في المحاورة ومتسرع ولا يركز والمحاورة التي قدمتها أنت الآن تؤكد أنه مع احترامي ما زال يجهل أبجديات الفتل والنقض .. هو فقط يجيد الاستعراض اللفظي والمعنى المكشوف .
|
عزيزي : مصر ألاحظ انك في كثير من المواضيع تتعمد الاساءه لابن ثايب ولكن ابن ثايب يحسب له عمالقة المحاوره الف حساب فهو معلم الكثير منهم .. ولايحتاج لنقدك مع كامل احترامي لشخصك الكريم
|
اقتباس:
|
بن ثايب شاعر كبير وفيه موهبة الشاعر القدير لكن اكرر انا من قتل بن ثايب من وجهة نظري هم جمهوره وانا الليلة البارحة كنت في حفلة فيها ابو منيف وكم شاعر معاه واقسم بالله العظيم وعندي زميل من قبيلة قحطان الكريمه انا لغيرنا مكاننا اللي كنا جالسين فيه من ازعاج صفوف العرضة عندما يلقي الشاعر قصيدته فهم يتبادلون الكلام والتنكيت ولا يدرون وش يقول الشاعر فكيف يشيلون القصيدة ؟
وكيف يعرفون المعنى...؟ يهمهم الالحان وان الشاعر يرد بسرعه ويهاتر وقد شاهدتهم بعيني يصرخون عند كل كلامه فيه تهجم وان كان غير محسوب ولا ينتمي للمحاوره والشعر.. بن ثايب قدم الكثير لكن لو وجد جمهور واعي ينصحه ويوجهه وينهاه عن بعض المهاترات ويركده شوي كان ظهر بمستو افضل بكثير من مستواه في هذه المحاوره وغيرها من المحاورات.. من يقول ان الفتل والنقض مقتول هنا اتفق معه ولكم ان تلاحظوا الشاعر عندما يلقي قصيدته فهو ينظر للجمهور وينتظر منهم التفاعل والتشجيع وهذا لايكون الا بمدغدعة مشاعرهم واحساسيسهم بهذه الاساليب من المحاورات الهجومية. بينما المفترض ان يكون الشاعر متحمس لجو الهدوء وعدم الازعاج ... ماسبق رأي أومن به اتمنى لا يغيض احدا شكرا للجميع |
رائع كما عودتنا بجديدك
تقبل مروري |
| الساعة الآن »03:12 PM. |
Arabization
iraq chooses life
Powered by
vBulletin®
Version 3.8.2
.Copyright ©2000 - 2025, Jelsoft Enterprises Ltd