يامرحبا ترحيبةٍ تلحق مراويح السحاب = من دونها نص العرب مثل الجمال مقيده
بنت العرب جاها ثلاث اشخاص من دون الحجاب = اثنين هم اخوانها والثالث يقدم يده

دام البقا يا اللي ترحب دونها قفلٍ وباب=واوضاع بعض الناس تال الوقت ما هي جيده
بنت العرب من دونها يا صاحبي شلفا ذياب=تقطع يدين اللي يدينه مدها ومسيده

اللي على وكر الغراب يدور اشباه الغراب = ماالومه اليا قلت صقر الجو فوق وحيده
يااهل القمم كيف القمم من دونها نار وعذاب = حسبي على اللي قوله يضاهي كلام السيده

إن كان عينك ما تميز فالحضور وفالغياب=من ما حصل بعض العرب قبل العياد معيده
السالفه يا صاحبي ما بين ضرس وبين ناب=منته بباني يا ولد مشيب صروح مشيده

حتى انت ياابراهيم فالدعوى مثل وضع السراب = واللي ليا منه بغا يضرب يدز وليده
ان كان حضك ياعديم الراي ينطحبك هضاب = باعطيك من عندي قلاده ولا اقول قليده

مادام ما تقبل كلام الصدق والعلم الصواب=عود وتلقا لك مع اصحاب العصيد اعصيده
خل القلاده في رقبتك زاهيه بيض الرقاب=وأخذ الك معها ثوبٍ أبيض بالعوافي بيده

ياصاحبي لو كان ما بعد الحياه الا التراب = ليه الكلام اللي تقوله ماش زول اييده
ابسئلك من راسك قدحت القول ولا من جواب = جاك يتمايل من مراسيله من اقصى بليده