الليله الملعبه ما شفت حلياها=كلٍ يسير من اقصاها ليا ادناها
واللي يدور لها لابد يلقاها=سبحان من يعلم الأسرار سبحانه
عزي لمن سابقه ما تاصل الماد=أن صار فالملعبه مثل التحدي
وأن عودت معركه وسيوفٍ حداد=بعض العرب لا يجيب ولا يودي

الجذع صح لسانك ابداااااع



فيييييييييي صفك من الحين



ننتظر قبيلك

الملعبة طيبة وانته بعد طيب=لو كان مانته مثل ملفي ولاحبيب
والعلم لازم يروح بعيد وقريب=واللي يدور لها لابد يلقاها

ترا الدعاوي بسيطة وانتم اجواد=السايق المندفع بكره يهدي
ياصاحبي خلها دله وبراد=معروف مدك وانا معروف مدي

ما قلت أنا مثل ذاك وذاك يا كافي=لكن شاعر وحاضر دون ميقافي
وأن صار فالوقت سبع اسمان واعجافي=سبحان من يعلم الأسرار سبحانه
أن كان عندك بسيطه نار وزناد=الموت لا جا البنادم ما يردي
الكهربا ما تجيك بدون عداد=وأن ناشك الماس منته بمتعدي

حتيش لو قلت انا شاعر وموهوبي=ابدع بيوت الشعر واميز دروبي
أقول مانتب عضو في مجلس اللوبي=واللي يدور لها لابد يلقاها

اتولع النار مار القدر ماجاد=ماانته معشي الضيوف ولامغدي
صحيح قالو " قليل الفود مافاد"=هذا مثل من على جدك وجدي

الناقه اللي تبا تنفر حويرها=لو تنفره ما حدٍ يقدر يضيرها
والطايره ما لقيت اللي يطيرها=سبحان من يعلم الأسرار سبحانه
تقولها يا الثبيتي جد وعماد=ما تمشي علومك ولنته بقدي
لو قوم صالح بقية قوم من عاد=الكل مقرود والحظ متردي

والله لوتنفره ماهي من همومي=الشد من فوقها والخشم مخزومي
كسرى مااظنه بلش فالفرس والرومي=واللي يدور لها لابد يلقاها

صدام يحكم هل البصره وبغداد=يحد الاكرد واهل ايران حدي
وانا كسيتك ثياب ٍ بيض وجداد=لكن قلبك من همومه مصدي

ناسٍ تهايط ونكبتها مهايطها=مما تقوله تروح في خرايطها
وأهل الوسايط بلاها من وسايطها=سبحان من يعلم الأسرار سبحانه
القوم تنظر لنا في كل مرصاد=يا شاعرٍ ما عرف مزحي وجدي
وانا عطيتك بعيرٍ ماله اشداد=لكن قلبك من الرهبه مندي

ياللي تباها ترا جاتك على الصابر=ترا البلا والجلا من حظك الغابر
لكن خلك على جور الزمن صابر=اللي يدور لها لابد يلقاها

القوم تعرفك من شعبان وجماد=ياللي تقول العرب, فينا تلدي
امقيدينه هل الميقاف بقياد=وانا بعيري ليا جاكم يهدي

من يوم جاتك من السامع ليا الدامع=من قوها منت لا شايف ولا سامع
ضيعت كل العلوم اللي لها جامع=سبحان من يعلم الأسرار سبحانه
لا تلعب مع اللي اكبر منك يا واد=وأن باح سدك ترا ما باح سدي
خلك على سكتك سرداد مرداد=بعير شاوي وعينه ما تلدي