الهيـــــــــــــلا *** منتدى قبيلة عتيبة
صفحة 1 من 2 1 2
عرض 40 مشاركات من هذا الموضوع لكل صفحة

الهيـــــــــــــلا *** منتدى قبيلة عتيبة (http://www.otaibah.net/m/index.php)
-   شعر المحاورة (http://www.otaibah.net/m/forumdisplay.php?f=52)
-   -   الشاعر المتمكن فقط (http://www.otaibah.net/m/showthread.php?t=115768)

خالد عواض الذيابي 28-Sep-2010 03:08 AM
الشاعر المتمكن فقط
 
الليله اللي محتزم يقرب على حد الصفاه=اما ذبحته فوقها ولا كسرته فوقها
ما عندنا ما عندنا للقوم يا كود الذكاه=لا حاربتنا القوم نجزيها بقص حلوقها

برررق الحيا 28-Sep-2010 03:13 AM
صح السانك يالمستشار على هالبدع الناري الشري خخخخخخ

بدع جزل ومعنى قوي وطاروووق كايف

وبانتظار المقابل اللي تبا تصير فيه الطعه خخخخخخ

صح السانه مقدما والله يعينه

وبيض الله وجهك وجهه هلى إفادتنا وامتاعنا واتحافنا

والليلة مافيه نوم مواصلين لعيون هالطاوق ونواياه خخخخخ

ابراهيم الجـــــذع 28-Sep-2010 03:15 AM
الليله الليله حلومك ما تفسرها الرواه=أثرك مثل الحيه اللي سمها بشدوقها
ياللي تبا تضرب بحر ما لك من الغبه نجاه=لا تحسب أن الحرب تمره طارفه بعذوقها

خالد عواض الذيابي 28-Sep-2010 03:17 AM
برق الحياء

صح بدنك وجهك ابيض والله لا يهينك ومشكور على مرورك

لكن الليله ما فيه الا الميسم الحامي

برررق الحيا 28-Sep-2010 03:20 AM
هذا اللي نبيه ابراهيم الجذع المقابل

يعني البدع المستشار والرد ابراهيم الجذع شعار مافيها كلام و عزالله لقينا المتعة والفايدة والجزالة من

بين القوافي والمعنى في طياتها

صح السانك يالجذع على هالرد الوافي والنقض الجزل وصح السان صاحب البدع والطاروق والفتل

الشاعر المستشار

واللي نباه حاصل من المتعة والتسلية

صحت الألسن والقلوب متآلفة ومتحابة

غالب الذيابي 28-Sep-2010 03:21 AM
.
.
.
.



اسف على التصادم الغير مقصود..

.. واصل ياعم خالد انت وابراهيم.
.
.
.
.
.

إدارة القسم 28-Sep-2010 03:24 AM
عساكم على القوه ياخالد وابراهيم
وبيض الله وجه غالب الذيابي

خالد عواض الذيابي 28-Sep-2010 03:25 AM
الفارس اللي لاغزا يطعن عدوه في قفاه=ما يعتبر فارس من يغدر العرب ويبوقها
نضرب خطرها ما حسبنا للممات وللحياه=واللي يعارض لسيوف الصارمه بيذوقها

غالب الذيابي 28-Sep-2010 03:26 AM
اقتباس:
المشاركة الأصلية كتبت بواسطة إدارة القسم (المشاركة 1098200)
عساكم على القوه ياخالد وابراهيم
وبيض الله وجه غالب الذيابي


ووجهك ابيض.. ولو .. الاصول اصول.
.
.
.
.

خالد عواض الذيابي 28-Sep-2010 03:29 AM
برق الحيا

صح بدنك ومتابعتك شرف

ابراهيم الجـــــذع 28-Sep-2010 03:39 AM
اللي يوامي بالعصا من سيفنا نشقر عصاه=والحرب خدعه والخصوم اليوم تلقا عوقها
محدٍ يلوم اشعيل لا منه وطا فرخ القطاه=لن القطاه موقعه في سوق ما هو سوقها

سلطان فهد المطيري 28-Sep-2010 03:45 AM
ياسلام مبدعين وصحت السنتكم

مشعل سعد 28-Sep-2010 03:50 AM
صحة ألسنتكم ..



مبدعين الله لايضركم ,,


أخوكم


مشعل @@

خالد عواض الذيابي 28-Sep-2010 03:50 AM
الحرب خدعه والنهايه موتتك دون اشتباه=وهذي عصا موسى نطق بها الدبش وتسوقها
كان الجذع ما استسلم الليله وغطته العباه=والله لسوقه لين يكره عرضتي وطروقها

برررق الحيا 28-Sep-2010 03:51 AM
لازلنا متابعييين للابداع والجزاله بمقوماتها وشعارها

صح السان المستشار وصح السان ابراهيم الجذع

واصلو لاهنتو على ما تقدمونه

صحت الألسن والقلوب أحباب ومتآلفة

خالد عواض الذيابي 28-Sep-2010 03:52 AM
صح بدنك ياسلطان

وصح بدنك يامشعل

لاهنتو مشكورين على مروركم

خالد عواض الذيابي 28-Sep-2010 03:54 AM
برق الحيا

صح بدنك

الله لايهينك يالغالي على مرورك

برررق الحيا 28-Sep-2010 03:57 AM
اقتباس:
المشاركة الأصلية كتبت بواسطة خالد الروقي (المشاركة 1098182)
الليله اللي محتزم يقرب على حد الصفاه=اما ذبحته فوقها ولا كسرته فوقها
ما عندنا ما عندنا للقوم يا كود الذكاه=لا حاربتنا القوم نجزيها بقص حلوقها
اقتباس:
المشاركة الأصلية كتبت بواسطة ابراهيم الجـــــذع (المشاركة 1098187)
الليله الليله حلومك ما تفسرها الرواه=أثرك مثل الحيه اللي سمها بشدوقها
ياللي تبا تضرب بحر ما لك من الغبه نجاه=لا تحسب أن الحرب تمره طارفه بعذوقها
اقتباس:
المشاركة الأصلية كتبت بواسطة خالد الروقي (المشاركة 1098203)
الفارس اللي لاغزا يطعن عدوه في قفاه=ما يعتبر فارس من يغدر العرب ويبوقها
نضرب خطرها ما حسبنا للممات وللحياه=واللي يعارض لسيوف الصارمه بيذوقها
اقتباس:
المشاركة الأصلية كتبت بواسطة ابراهيم الجـــــذع (المشاركة 1098218)
اللي يوامي بالعصا من سيفنا نشقر عصاه=والحرب خدعه والخصوم اليوم تلقا عوقها
محدٍ يلوم اشعيل لا منه وطا فرخ القطاه=لن القطاه موقعه في سوق ما هو سوقها
اقتباس:
المشاركة الأصلية كتبت بواسطة خالد الروقي (المشاركة 1098229)
الحرب خدعه والنهايه موتتك دون اشتباه=وهذي عصا موسى نطق بها الدبش وتسوقها
كان الجذع ما استسلم الليله وغطته العباه=والله لسوقه لين يكره عرضتي وطروقها


قمة وإبداع وروعة وإمتاع صحت الألسن والقلوب متحابة ومتآلفة

وحنا متابعيييييييييييييين

ابراهيم الجـــــذع 28-Sep-2010 03:59 AM
من فعلنا كم واحدٍ يا الروقي تعدي شواه=حتى من الراعه عيونه ما يطبق موقها
أنت على وجه الثرا تنظر لنجمٍ في سماه=وأهل الفتن والذوق نعرفها ونعرف ذوقها

خالد عواض الذيابي 28-Sep-2010 04:09 AM
اثر الجذع ماحدٍ يفرق بين وجهه من قفاه=اشتال له حمله على ظهره وهو ميطوقها
الكلب لامنه نبح نسد حلقه بالحصاه=والناس في ظهر البسيطه والسما من فوقها

برررق الحيا 28-Sep-2010 04:13 AM
لازلنا متابعين ومستمتعين


صحت الألسن والقلوب أحباب ومتآلفة


والطاروووق روعة بروعة شعاره ومحبتهم و فائدته وتسليته

واصلو يالربع والنار النار والهدوء ( ريلاكس ) والملعبة حبية

خالد عواض الذيابي 28-Sep-2010 04:15 AM
برق الحيا

صح بدنك

متابعتك شرف لاهنت

ابراهيم الجـــــذع 28-Sep-2010 04:21 AM
عليك وصف من الذيابه مير نابك ناب شاه=لكن روح وخاشر اليتمان في مرقوقها
أثرك حصان الشاوي اللي ما جهل دربه هذاه=ما يدري أن الشمس فوقه نورها وشروقها

برررق الحيا 28-Sep-2010 04:22 AM
اقتباس:
المشاركة الأصلية كتبت بواسطة خالد الروقي (المشاركة 1098260)
برق الحيا

صح بدنك

متابعتك شرف لاهنت
لاهنت يالمستشار ولا هان مقابلك ابراهيم

والشرف لنا طال عمرك

خالد عواض الذيابي 28-Sep-2010 04:30 AM
عقب هدير شعيل نوخته ودوخني رغاه=حطيت في خشمه رسن والنار ذاق حروقها
لبس البشوت الجذع مشقوقه وانا بكشف غطاه=ابشوته اللي لبسها لازم تبين شقوقها

ابراهيم الجـــــذع 28-Sep-2010 04:42 AM
خالد هذا ما عاد اله فكه يلين العن ثواه=حتى ولو بنت الهوى تشكي ظلايم شوقها
لو أن ما هي عادة الطيب ينزل مستواه=لكن ابخفي رمس ناسٍ غرها منطوقها

خالد عواض الذيابي 28-Sep-2010 04:58 AM
الركبي اللي حمّلوه القوم قدام الصلاه=القربه اللي شالها كثرت عليه خروقها
الله على ناسٍ فقارا تبغي دروب الغناه=لا زادت الفضلات عند اهل الغناه تحوقها

ابراهيم الجـــــذع 28-Sep-2010 05:03 AM
هذا الولد يا سرع ما تنقز سنونه من جماه=مثل الزبيديه لقاها من لقا رقروقها
تبا تروغ مثل ترويغ السمك في وسط ماه=من يوم هديت الحرار اللي نشد اسبوقها

فهيد الايدا المورقي 28-Sep-2010 05:09 AM
خالد الروقي

ابراهيم الجذع


صحت السنتكم جميع


تحيتي

خالد عواض الذيابي 28-Sep-2010 05:15 AM
سقت الجذع يالين عديته وراء ضلع السراه=سوق النصوب المردفات اللي تلوح بروقها
بغا الجذع يكحل عيونه ثم تسبب في عماه=لانه يعاند له رجالٍ ما تضيع حقوقها

خالد عواض الذيابي 28-Sep-2010 05:17 AM
بناخي الايدا

صح بدنك

مشكور على مرورك

ابراهيم الجـــــذع 28-Sep-2010 05:20 AM
عقله يقول أنه نقض بيتي وهذا من غباه=مير البضاعه بالبضاعه قافلٍ صندوقها
ترا الجذع شاعر وميدان الوغى يحمي حماه=وأنت مثل مصر الشقيقه والملك فاروقها

خالد عواض الذيابي 28-Sep-2010 05:40 AM
انا اليا مني وقفت استسلمت كل الطغاه=والخزنه اللي مغلقه عندي فتح مغلوقها
ما انته بلا شاعر ومثل اللي تغني فالقناه=اليا فتحناها نحصلها على طاروقها

ابراهيم الجـــــذع 28-Sep-2010 05:45 AM
ما لك ومال الحرب يا خالد ليا دارت رحاه=منته بداله في ديارٍ طالعٍ زملوقها
حنا مصخرت القوافي خصمنا نبحث خفاه=خلك تشاول مع جمالٍ شاولت مع نوقها

خالد عواض الذيابي 28-Sep-2010 05:58 AM
ابك الجذع مرضان لكن الجذع عندي دواه=العله اللي داخله نذرٍ لقص عروقها
أصخر القيفان وأصخرك من كل اتجاه=خلك مربط مع رخالٍ فالحلوق ربوقها

ابراهيم الجـــــذع 28-Sep-2010 06:05 AM
اشره على نفسك وخصمك ما لكم شرهه علاه=الصاع جزيه ألف صاع وطاقها مطبوقها
منته مصخر غير رجالٍ غلاكم من غلاه=اللي فتنته بالثياب و وسعها من ضوقها

خالد عواض الذيابي 28-Sep-2010 06:26 AM
الخبل ما نشره علاه وكل من مره وطاه=لا تفضح العتبان برقا يالخبل مع روقها
الرجل يابراهيم من يمناك رده في خباه=رده على اخته من قريب لا تبين اخثوقها

ابراهيم الجـــــذع 28-Sep-2010 06:31 AM
راجع وتلقا فالجريمه ما تدين ابه الجناه=حتى تميز شدة العدوان قبل ارفوقها
أنا سوات الحر الأشقر وأنت من باقي عشاه=من شلعةٍ وحده وكبدك ظاهرٍ معلوقها

خالد عواض الذيابي 28-Sep-2010 06:45 AM
قد قالوا العربان من لا يعرف الحر اشتواه=اخطاك يا ابراهيم قلي من يسد فتوقها
من ضربي الراكد براهيم الجذع صادف بلاه=ضرباتي اللي بين حجانه تشاف فلوقها

ابراهيم الجـــــذع 28-Sep-2010 06:58 AM
ترا الحقايق واضحه للعين ما تبغا قضاه=مير البلا بقلوب بعض الناس قبل عموقها
تقول هذي وأنته اللي واطيٍ جمر الغضاه=واصبحة مطروده مع الأيام صعب الحوقها


الساعة الآن »05:34 PM.
صفحة 1 من 2 1 2
عرض 40 مشاركات من هذا الموضوع لكل صفحة

 Arabization iraq chooses life
Powered by vBulletin® Version 3.8.2
.Copyright ©2000 - 2025, Jelsoft Enterprises Ltd