ابتدا الليل والخصم فارق عيونه لذيذ الكرا=قوم يا الشاعر اللي تحب المواقف وقلبك جري
كل شاعر يعرف المعاني بفنه وعينه ترا=في علو الجبل ذيبٍ اشهب وبين السلم بربري

ابتدا الليل واليا ابتدا معه لازم نرد البرا=مار جود حزامك ليا ثورت لاتعود قري
كلما ولعت لدت الناس قالت وش اللي جرى=واثرها هينه كلبوها نتايج عمل سرسري

السوالف كثير وحنا ترا فالعلوم اخبرا=البلا العالم اللي تكب السمين وتحب الهري
من هو اللي درا عن هذا العلم واللي سرا ما درا=اشهد أنه سرا ليل حالك ظلامه ولا ينسري

لاتجي في نحرها مدامك غناوي وفيه افقرا=خلها للفقارا تعرمش بها وانت لاتزدري
لبسوها ثيابن حرير وذهب يالباس العرا=والمجنن تخمخم بها يوم شافت لباس العري

يا العصيمي ترا العلم دون الثريا وفوق الثرا=كيف طبيت فالسوق يوم استوى السوق للمشتري
كل من ينفخ الذرب ذربه مثل حية الكوبرا=مستعدٍ على راسه واقفٍ وقفت العسكري

التفت للحسا واصله والتفت واصل ام القرى=كل قلبن صمودن طموحن جري يبلغ المعبري
فالعرب يابشر جن لو يشتغل هد قمة كرا=مار في قمة الضلع ذيبن ليامن عوى تنفري

والله اني معلمك بالعلم يا الحصني الازهرا=مير خلك تروغ سواته ولو ما هي بخاطري
كان بك جن جاكم من اللي كتب فالكتاب وقرا=راقياً يدوخ الجن لين الدعاوي تروح اعثري