نحمـد الله وارد الستين عانه = واردٍ قـبل الحـديـد يـوردونـه
ما يعبا من شراب القيز خانه = ولا وقف وسط الكراج يوضبونه
المكينه مطرق من خـيزرانه = كامل بالوصف والشمـعة عيونه
والجما كبوته والبوري السانه = والمساعـد ياولـد حربة سنونه
والاديتر صرته مظرب ابطانه = ديـتره يا بو سهـل ما يلحمونه
وان ركب راعيه ما مله مكانه = وان طرش صوب البلد ما يجرونه
وان عطا جو الخلا زين اهذبانه = وان تعرض رمـلةٍ ما يسعفونه
نمـرته وسمه على خده بيانه = وان وطاله مـركزٍ ما يسألونه
وارد الرحمن يا زين اسهيانه = يعجب اللي فوق وسقه يركـبونه
خالـقه ربه وخالـقنا اوزانه =ما يـورد من بـعيدٍ يصـنعونه
مير شان الوقت واقفى به زمانه = وانقطع شقران يا اللي ترغبونه
وتم قولي ذكر رب عـز شانه = ذكر رب كل الامـه يـشكرونه

المشاركة الأصلية كتبت بواسطة الدهاسي وارد الرحمن يا زيـن اسهيانـه يعجب اللي فوق وسقه يركبونـه صح لسانك ولسان الشاعر يعطيك العافيه

صح لسانك ياخالد ولسان الشاعر نجر العصيمي

ولاهنت على نقل هذه القصيده الرائعه


تقبل مني جزيل الشكر