الهيـــــــــــــلا *** منتدى قبيلة عتيبة

الهيـــــــــــــلا *** منتدى قبيلة عتيبة (http://www.otaibah.net/m/index.php)
-   شعر المحاورة (http://www.otaibah.net/m/forumdisplay.php?f=52)
-   -   مادام جت من شخص محسوب (http://www.otaibah.net/m/showthread.php?t=115351)

ابراهيم الجـــــذع 20-Sep-2010 04:37 AM
مادام جت من شخص محسوب
 
يا الشاعر اللي عندك اسلوب العلم فيه اعتاب واعتاب=واللي على الهرج مغصوبه يا الشاعر اللي عندك اسلوب
مادام جت من شخص محسوب حنا ترا ما نحسب احساب=بان القمر واقبل غروبه مادام جت من شخص محسوب

عيد العازمي 20-Sep-2010 04:38 AM
صح لسانك ولسان قبيلك سلفا

مخاوي الطير 20-Sep-2010 04:41 AM
الله الله


على الطارق الكايف يالشاعر المبدع / ابراهيم الجذع


متابع



//

فهد الشهيب الثبيتي 20-Sep-2010 05:07 AM
تراك ياابراهيم محبوب واهلا هلا بعتاب الاحباب=والشيخ مايجهل دروبه تراك ياابراهيم محبوب
واللي يجي من غير مطلوب يمكن تصيبه قرصة الداب=والداب ينفخ في ذروبه للي يجي من غير مطلوب

رائد الكيرعاني القحطاني 20-Sep-2010 05:08 AM
المعذره يالثبيتي



وصح لسانك يا ابراهيم

مخاوي الطير 20-Sep-2010 05:13 AM
ياسلام ياسلام


ردود .. في وقت واحد ..


الليل .. الليل


يا ابراهيم




//

ابراهيم الجـــــذع 20-Sep-2010 05:33 AM
الكوره اللي جات شلهوب لو شاتها ما تخطي الباب=والعلم ما ظني دروبه والكوره اللي جات شلهوب
لو نستغيث ونقلب الثوب ما نرجي الا رب الارباب=واللي قلب بشته وثوبه لو يستغيث ويقلب الثوب

فهد الشهيب الثبيتي 20-Sep-2010 05:46 AM
ترا الخبر واضح ومكتوب ياويلكم ياقوم الارهاب=ياللي تقول العلم دوبه ترا الخبر واضح ومكتوب
بعض العرب مايقضي النوب لو يعتزي بالاد حطاب=لابد يلقاله عقوبه بعض العرب مايقضي النوب

ابراهيم الجـــــذع 20-Sep-2010 05:55 AM
بعض العلوم يروح محجوب لو كان ما تقنعك الأسباب=هذا الخبر والعلم صوبه بعض العلوم يروح محجوب
عرقوب يمشي جنب عرقوب والروس ما هي مثل الأذناب=لا صار ما هي بمحسوبه عرقوب يمشي جنب عرقوب

ابراهيم الجـــــذع 20-Sep-2010 06:00 AM
أبو طلال

مخاوي الطير

رايد القحطاني

صميدع

فهد العازمي

اشكركم على الردود الطيبه

شرفني مروركم

فهد الشهيب الثبيتي 20-Sep-2010 06:08 AM
للمعرفة بيبان ودروب والقاف توه مابعد شاب=والبني طوبه فوق طوبه للمعفة بيبان ودروب
المخطي اللي لازم يتوب نعمي عيونه كان ماتاب=حتى يقول اليوم توبه المخطي اللي لازم يتوب

ابراهيم الجـــــذع 20-Sep-2010 06:17 AM
مرغوب والا غير مرغوب من فعلنا رفن الأشناب=وسط الرحا تطحن حبوبه مرغوب والا غير مرغوب
أن كان جاله بطن وجنوب يشتالها من بين الأجناب=واليا سرا يفرك جنوبه من يوم جاله بطن وجنوب

ابراهيم الجـــــذع 20-Sep-2010 06:54 AM
صح السانك يا الثبيتي

الليل سرا

تشرفت باللعب معاك

فهد الشهيب الثبيتي 20-Sep-2010 07:01 AM
كل الدعاوي شغل حاسوب ماهي سيوف ورمح وحراب=شبيتو الدعوى شبوبه كل الدعاوي شغل حاسوب
وان كان صار القدس منكوب ترا السبب خاين ونصاب=يعيدها نوبه ونوبه ان كان صار القدس منكوب


صح لسانك ياابراهيم شرفتنا

فايز بن سرحان الثبيتي 20-Sep-2010 08:05 PM
للمعرفة بيبان ودروب والقاف توه مابعـد شـاب
والبني طوبه فوق طوبه للمعرفة بيبـان ودروب


الله الله على الابداع "

هذا البيت يسمونه ( مستر كي )


صح لسانك يالشهيب "


صح لسانك يابراهيم الجذع "

فهد الشهيب الثبيتي 21-Sep-2010 04:05 AM
صح بدنك يابن مروّح

ومرورك وشهادتك فخر


الساعة الآن »01:34 AM.

 Arabization iraq chooses life
Powered by vBulletin® Version 3.8.2
.Copyright ©2000 - 2025, Jelsoft Enterprises Ltd