بثالث عيد والعالم تعيد=لقيت العار فالثاني مقيد
ولكن وضعهم ما هو بجيد=حياة العز خير من المذله
ترا السيف يا سلطان فالقوم ملحوم=ويكفي عن الهرج المطول قليله
لقيت الغشيم اللي سرا الليل منجوم=ضعف الجدى غادي وغادٍ دليله

نهار العيد جيت بعيد ثاني = ولكن بعد شرّفت المكاني
وش علومك مع طوال الاذاني = حياة العز أخير من الذلة !!

انا سيفك اللي سلته تكسر القوم = ليا قربوا للزند خشم الفتيله !!
الاسواق تبغى تاجرٍ يفرق السوم = وياعزتي للي قليلٍ حصيله!!

يا ليتك منت يا سلطان غايب=ونحداهم على شهب الزرايب
ولي شلفاً توقع فالترايب=حياة العز خير من المذله
فقدناك وأنته يا أبيض الوجه معزوم=وأنا خابرك شاعر وشاعر قبيله
ترا اللي سوات الفيل من غير خرطوم=طموحه يصير احصان يصهل صهيله

مقامٍ مايشرفني حضورة = غيابي عنه شئ من الضرورة
أخذ من واقع الاحداث دوره = حياة العز اخير من المذلة !!

لو إنا حضرنا صارت علوم وعلوم = لكن النصيب الزين مافيه حيله!!
نبا ناقة عريمان فالديرة تقوم = وثوّت وسط مبركها ثمانين ليله!!

المشاركة الأصلية كتبت بواسطة ابراهيم الجـــــذع (المشاركة 1093247) هههههههههه خلف سلطان يعرف الكفت بس يخاف من العين اللي صابتك قبل فتره

اشوف الناس جا فيها شفاحه=تكد اعمارها ما فيه راحه
وعن الأهداف قاصرةٍ شباحه=حياة العز خير من المذله
يا ليته تريح عقب هذي ومخدوم=بعد جاه شوق اللي تكد الجديله
وراع الدعاوي كلها يلحقه لوم=هذا مثله وشرواه شاعر فشيله

ترى اللي ماتسمع فالنصحية = ولاثبت قواعدها الصحيحة
مواقيفه على ربعه فضيحه = حياة العز أخير من الذلة !!

نبا نطلع عن الفرس في ديرة الروم = ونسج الركايب فالدروب الطويلة!!
لقينا مضارب شلف ورماح وسهوم = ودمعة فراقٍ من عيون الجليلة!!

اقول اشره عليه لن لقيته=ولا هديت فوق الراس بيته
لقيت اسعيد مع عمر وعطيته=حياة العز خير من المذله
ترا فعلنا واحد نهار امس واليوم=نسل السيوف المرهفات الصقيله
هذا قسمنا والطيب للخلق مقسوم=وفالخلق من شال الجمر في شليله

تقول وتفعل الله لايضرك = لكن ابعد وكاف الناس شرك
ماهو محمل من المجلس تحرك = حياة العز خير من المذلة !!

ورى الجو هادي والسماء كله غيوم = ولاشفت سيلٍ دارج مع مسيله!!
هذا فالعرب معطى وهذاك محروم = لكن أطرح الهندي وعلم كفيله!!

اقوله لين ياصله البلاغي=على راسي نويت اعصب شماغي
ولو أن الثعل فالدرب راغي=حياة العز خير من المذله
ترا باب من الريح بالشمع مختوم=وترا الذل دايم لــالنفوس الذليله
اظن العور طبعه كذا دايم الدوم=وينقز مع التطبيل مثل الكحيله