هلا يا مرحبا ترحيبة الأشراف بالأشراف=عدد وبل الخيال اللي يلوح البرق فطرافه
الا يا حبني لتاجر اللي لذهب صراف=لكن اليوم كلٍ بالبطاقه جنب صرافه

يدوم الك البقا ياللي ترحب مار شد القاف=علشان العرب لاطرت جذع تطريه مع قافه
علامك يوم شفته مازهمت لسايق الاسعاف=وبالمره يابن عساف يشتالك مع اسعافه

ليا منا وصفنا يا العصيمي نحكم الأوصاف=ترا ما عندنا للقوم لا رحمه ولا رافه
علومك يا عميل الخير لا تذكر ولا تنشاف=لا بد الشاعر العراف يلقا ناس عرافه

انا ماقول فيك قصور فالمنصب يابن عياف=لو انك مامعك حيله على رعّده وكشافه
ليا شفت اعترض في دربي اللي له جنوب صخاف=اقول استغفر الله مقدر الحقه باسلافه

ترا الرجال لا منه بدع بيتٍ بدون أهداف=يبا يلقا من أهل المعرفه من يركز اهدافه
لا شك اللي بداها يا العصيمي ما تركها حاف=وهذي عادة اللي يحتمي قوله وميقافه

المشاركة الأصلية كتبت بواسطة ابراهيم الجـــــذع (المشاركة 1092828) ترا الرجال لا منه بدع بيتٍ بدون أهداف=يبا يلقا من أهل المعرفه من يركز اهدافه لا شك اللي بداها يا العصيمي ما تركها حاف=وهذي عادة اللي يحتمي قوله وميقافه