الزمان يمرّ والوقت يقسى ما يلين = والليالي تبحث من الرجال الخافيات
البليد اللي ما يفهم من دروس السنين = والفطين اللي حفظها وخلاها وصات
وان بغيت الصدق فالله على الدنيا يعين = والله انه يحسن الخاتمه عند الممات
ساعة ما عاد فيها يسار ولا يمين = ساعة تصغر بعينك طموحات الحياة
اللهم ارحم ضعيف تفاجأ باليقين = يا كريم تجزي الحسنه بعشر حسنات
انت غفّار الخطايا وربّ العالمين = وأنت قيّوم الأراضي وسبع السماوات
مغفرتك وعونك ارجي ولا غيرك معين = وتوبة تمحى وتدمح جميع السّيّئات
الصداقه كنز .. والكنز في سوقه ثمين = فزعة لا صرت ادوّر على طوق النجاة
وين ابلقى لي رفيق على دنيا ودين = حافظ دينه وطيبه صفه ضمن الصفات
سلعة تندر لا نادو بسوق الرابحين = سعد ابو رجل وجدها وفاز بها وبات
والله اني طامع في مخاوى الطيبين = يوم غيري شاب راسه على حبّ البنات
الرخا خلاّنه اكثر من دموع الحنين = وضعهم ما بين تطبيل ولاّ مجاملات
غير لا انحدّيت والماء طفح فوق الطّحين = وحضبتك المدلهمّات من كلّ الجهات
تعرف من قام يصهل وشدّ المنكبين = وتعرف من خشّ راسه وسط كمّ العبات
من بنا صرح الصّداقه على ساس متين = والله انه ما يهم الرّياح العاتيات
وأما انا ماني بأساير خبيث الوالدين = اتجنّب طرقته هو وقطّاع الصلاة
من تردّا في قريبه وفالحصن الحصين = ما هو بغانم ولا فايد لو راس شات
أبرك من مجالس النّذل مقصور اليدين = واستلام اعراض .. واعلوم ما فيها طراة
اتدارس صفحة من رياض الصالحين = وسجدة لله والباقيات الصالحات !

المشاركة الأصلية كتبت بواسطة فهيد الرويس (المشاركة 1092307) وأما انا ماني بأساير خبيـث الوالديـن اتجنّب طرقتـه هـو وقطّـاع الصـلاة عليه من الله مايستحق وانت لافض فوك بدعت فأمتعت يارائد وصح لسانك ملاااااااااااايين على هالجوهره الثمينه تقبل اطيب تحيه

المشاركة الأصلية كتبت بواسطة الشهيب الثبيتي (المشاركة 1092331) بيض الله وجهك وصح لسانك على هالدرر

المشاركة الأصلية كتبت بواسطة مشاري الحبردي (المشاركة 1092352) وين ابلقى لي رفيق علـى دنيـا وديـن حافظ دينه وطيبه صفه ضمن الصفـات سلعة تندر لا نـادو بسـوق الرابحيـن سعد ابو رجل وجدها وفاز بهـا وبـات والله اني طامع فـي مخـاوى الطيبيـن يوم غيري شاب راسه على حبّ البنات الحال من بعض يانما :) وصح لسانك ولاتحرمنا من جديدك

المشاركة الأصلية كتبت بواسطة تركي ابن مكه (المشاركة 1092438) رائد نتفق نختلف معك لاكن ابدعت والله اني طامع في مخاوى الطيبين................يوم ان غيري شاب راسة على حب البنات بيت نادر وجميل جدا سيذكرة التاريخ لك

المشاركة الأصلية كتبت بواسطة ابو ضيف الله (المشاركة 1092466) الله اكبر صح لسانك ملايين يا صبي قحطان على القصيدة الرائعة والمعاني الجزيلة

المشاركة الأصلية كتبت بواسطة علي الشهراني (المشاركة 1092486) اعجبتني القصيده صح لسااانك يا رائد و بيض الله وجهك و هذا بيت القصيد والله اني طامع في مخاوى الطيبين ................ يوم غيري شاب راسة على حب البنات

المشاركة الأصلية كتبت بواسطة مرزوق حمدان العتيبي (المشاركة 1092490) .. . مـن بنـا صـرح الصّداقـه علـى سـاس متيـن والله انـــــــه مـــــــا يــــهــــم الــــرّيــــاح الــعــاتــيــات وأمـــا انـــا مـانــي بـأسـايــر خـبـيــث الـوالـديــن اتــجــنّــب طــرقــتــه هــــــو وقـــطّــــاع الـــصــــلاة بسم الله ماشاء الله مبدع وصح لسانكــ ,

المشاركة الأصلية كتبت بواسطة ابن سرحان الثبيتي (المشاركة 1092496) صح لسانك يارايد "" جزله من راس ٍ جزل "

المشاركة الأصلية كتبت بواسطة عيضه الثبيتي (المشاركة 1092501) صح لسانك يارايد درر تبيّض الوجه تحياتي