يابحر والبحر فيه الدر واللول = حولت موجه على دره ولوله!!
السر في عومة السباح موصول = والحل ياقايسٍ عرضه وطوله!!

مقبول لوكان غيرك غير مقبول=و ان كان لغزك بحر عندي حلوله
الطول بالعرض و الّا العرض بالطول=اهم شئ الردي يملا حثوله

ادنيت راسك وشلت الراس مبلول = وش حيلة المتهم في كل دوله!!
فك المسامع وحمّل كل محمول = وانقول لك عندنا صوله وجوله!!

مصْر الشقيقه تعظّم راس ابو الهول=وانا يدي من بني عوز امغسوله
قلب المطيري حجر و الفمّ معسول=ما يدري انّ الوغا دقّت طبوووله

الجنب جنب امعفي والمتن مفتول = مير العرب ضايقه من شوف زوله!!
البندق امزهبه والسيف مسلول = قدام شهران تنفض امعيوله!!

كان العرب عوّدت جاهل و مجهول=جهّز لي الجيب و ابشر بالحموله
و ان كان همّك فقط فالخبز و الفول=فانا و ربعي لنا نارٍ شعوله

المشاركة الأصلية كتبت بواسطة علي الشهراني (المشاركة 1090862) كان العرب عوّدت جاهل و مجهول=جهّز لي الجيب و ابشر بالحموله و ان كان همّك فقط فالخبز و الفول=فانا و ربعي لنا نارٍ شعوله

وكان العرب عودت فاعل ومفعول = جاتك حموله كبيره وامحصوله!!
اليوم كامل وبكره نص مكمول = لو كان موقفك ماتكمل فعوله!!

و الله مالك معي قوه و لا حول=احسب طلوع الجبل و احسب نزوله
ارتااح يا العبدلي محمول مكفول=هرجٍ ليا ثارت الهيجا نقوله

الظاهر انك تبالك حمل مشمول = العبدلي معك مير القول قوله!!
هذا طريقك وقدمه باب مقفول = والفرق مابين يده مع رجوله!!

اللي شراعه مع الايام مغسول=نصيحتي لا يعرّض لي سموله
مومن ولا همّني فالعور و الحول=طايع لهدي الله و سنّة رسوله

من شيب عارضك صرت اليوم مذهول = محدٍ بتارك حواره مع زموله!!
لاشك والمشتبه منجوم مسيول = والضلع ذيبه مسليته ثعوله!!

يا زول مالك و مال الشام يا زول=محدٍ نهار الوغا يهدي رحوله
لينا و عدنان مع زينه و نحّول=هاذي تراها سبب نقص السيوله