سلام الله سلام ٍ مثل حد السيف أبو حدين=ليا حول يعزل الراس ياربعي عن أمتونه
بدون أقصور في كل القبايل يقتضون الدين=لكن ربعي عتيبه طب للمجنون وجنونه

هلايامرحبا ترحيب لونه مايجي لونين = يوصل للصديق المحترم ماينثني دونه
نعم فيك وبني عمك رجال المعرفه والدين = رجال اقوالها وافعالها بالطيب مقرونه

ولا يامراقب الموقع تراكم كلكم غالين=ولكن مشكله لو صار كل ٍ يضرب ابشونه
واناجتني شكاوي من هنوف ٍ تكحل الطرفين=عشاشيق الهنوف الكل منهم عد طبلونه

ياعبد الله عسى تسلم وتشكرفالكلام الزين = ترى راع الكلام الزين اله ناس ٍ يحبونه
بعد جتك الهنوف اللي شكت من كثرة الغاوين = وش اللي جا ببالك لجل تنصر كل مزيونه

ليا صار الرجل مايعرف الوحده من الثنتين=الا ليته تريح قبل لا تكثر له اغبونه
أقول اللي يشيل السيف يضربه هل السكين=يربيبه غشيم ٍ جا يدف الضلع بقرونه

لياشفت المضيّع ثم نشدته وين رايح وين ؟= وقال الك الكلام اللي غلط شكله ومضمونه
اقول إلك اتركه والصح مع طول الطريق ايبين = وكل ٍ مثل ماقال المثل في راسه اعيونه

أباك اتوجهه مره بعد مره ولو خمسين=هل المجنون وسط اشهار لازم هم يحطونه
ليا منا خطلنا الزين يامرزوق فوق الشين=تراها مشكله يمكن بعدها ماتعزلونه