يـا سلامـي عـقـب طــول اغيـابـي ردٍ منقـولـه=هكذا المسلم وحسن اسلامه عقب طول اغيابي
الحشيشي لو يـروح ارهابـي مـا يضـر الدولـه=دولـةٍ فيهـا يتـم اعـدامـه مــن يــروح ارهـابـي

مرحبا بالطيب والمشعابي كلها مقبوله=الجذع لويحتزم بحزامه محتسي مشعابي
مانبا نفتح علاكم بابي واللحا مكفوله=سد ربعي لوعرفت ارقامه مافتحت البابي

البقا وأن شقت رمح ذيابي قلت ذا مـن هولـه=يرخي الهامه لحد اقدامـه ضـرب رمـح ذيابـي
كل من يخطي الهدف ما صابي شالها بحثوله=رمي من خلفه ومن قدامـه رميكـم مـا صابـي

الجذع مادام جرحه طابي وش يبا في ذوله=يارحيمن طيبن فارحامه دوب جرحه طابي
اعرف الصادق من الكذابي دفته وطبوله=لاطويل ولاقصير قامه اعرف الكذابي

من لبس له جنز ويا الكابي خابرين احموله=الشهر شهره وهذا ايامه من لبس لـه كابـي
كل مـن جـا يفتـل الأشنابـي عقدتـه محلولـه=وأن فتلنا يبلش العلامـه عقـب فتـل اشنابـي

لاتبيع وتشتري وترابي تاكل المدبوله=ينقلون علومك العلامه وانت ليش ترابي
لاتعصب تحرق الاعصابي هجرتك مجهوله=الجذع مانستصيغ نظامه محرق الاعصابي

لو تبا تعدل ذيول اكلابي ما هـي ابمعدولـه=فالعرب من يعجبك هندامه فالطبوع اكلابي
اقروا التوبه مع الأحزابي قـول ربـي قولـه=سيفنا سيفٍ يقص اعضامه يهزم الأحزابي

انت عارف وش بلاي ومابي عيشتي ماكوله=دوب دارت فوقه الفرامه يابلاي ومابي
لاتودي علمي الاجنابي وقتنا قيلوله=للحبوب القاسيه قضامه سيمة الاجنابي

قبـل مـا نسقيـك سـم الـدابـي داركــم مدهـولـه=لو مـن تحـت العقـال اعمامـه ذاق سـم الدابـي
رحت لقمه بين ضرس ونابي صيـدةٍ مختولـه=لو تجي في نجد والا تهامه بين ضرس ونابي

لاتغلى والهوا غلابي لن بغيت سيوله=لوسهرت من الهوا واحلامه الهواغلابي
انت مانصخاك اعزاحبابي هاجسي وميوله=دون جيبي شاصي وصدامه وانت اعز اصحابي

فـي عيونـك نظـرة الأعجابـي يمنـا مرسولـه=خابرك هاوي كبير الهامه في نظرك اعجابي
الشبح عـود علـى الدبابـي خصمكـم وفعولـه=هكذا طبـع الجـذع بأخصامـه تركـب الدبابـي

الجذع نمسح به الطبطابي لاعدمنا زوله=لين يذعن لحترام اعمامه يمسح الطبطابي
قام حضي قام الك وانت ابي للسنع ووصوله=القعود نبركه بخطامه قلت الك وانت ابي

ماقفك بين العرب غصابـي كيـف مـرك دولـه=حجمـوا علبـاك بالحجـامـه ماقـفـك غصـابـي
بين جنحاني وفي مخلابي من طلع من جوله=حرٍ اقطامي وجوه حامـه وأنـت فـي مخلابـي

انت رجل صامل المضرابي مارفيك غفوله=منت ولد البطه العوامه صامل المضرابي
السموحه فالجو الظبظابي والسحاب ثعوله=الخصم وده يزيح اخصامه فالجو الظبظابي

أنت خصم وصاحبك حرابي يوم قض اخيوله=قافنا بالمسك صار أختامه معـك يـا الحرابـي
ما حصل شيءٍ بـدون أسبابـي كلهـا معقولـه=كـم شاعـر قـد بصـم ببهامـه كلـهـا بسبـابـي

المشاركة الأصلية كتبت بواسطة بخيت السعد (المشاركة 1088597) صح السانك يابراهيم الجذع وصح السان ابو فهد منير الحشيشي ولاهنتو على هالطاروق ولكن لي سؤال متى هذا لطاروق الحشيشي ما اشوف له مشاركات جديده ؟؟؟؟؟؟؟؟؟؟؟؟؟؟؟؟؟ تحياتي للجميع