تعال اقرب هنيا يا مطني=وصلك العلم رد العلم عني
وراع العند ما هو بمتهني=على شاط البحر مرسى السفينه
تعال يا مطني ونعطيك الوسام=يا الصاحب اللي تستحق الأوسمه
اكرب حزامك كان في وسطك حزام=الشاعر اللي ما تراخا محزمه

مطني يوم تزهم في صلاته=عسى ربي يزيد من حسناته
ولكن هات باق العلم هاته=على شط البحر ترس السفينه
الاوسمه وشلون تعطى في كلام=بالله هاذي ماتسمى مضلمه؟
حرام ربط المحزم وحنا صيام=مار الوعد لين الصيام انتممه

اظن إن الجمل تسمع ضريسه=وشفت الحر فعله فالفريسه
بعد ما حاسها راحت حويسه=علـى شـاط البحـر مرسـى السفينـه
اللي وصلكم يا ولد حسب النظام=والضيف كلٍ بالكرامه يكرمه
أنتم تعرفون الحلال من الحرام=مير الحلال اليوم كيف تحرمه

تقول الصدق وتعد الحقيقه=انا شفت المطافي والحريقه
ولااحسن من طريقتنا طريقه= على شط البحر ترس السفيه
بعد التحيه ياعتيبه والسلام= هاذا الجذع ياجعلنا مانعدمه
اسمع كلامي يالكريم ابن الكرام=لاتجرم الا فالعباد المجرمه

تشوف الأرض رايحةٍ قزازه=من أخيالاً جمع نتره وفازه
ولو بعض البشر مثل الجنازه=علـى شـاط البحـر مرسـى السفينـه
طاح المطر يا صاحبي طار العسام=ومحمد محمد ما هوب مسيلمه
مال الزحام الا رياجيل الزحام=من لا رحمه الله محدٍ يرحمه

عساها لامطرت تمطر علينا=انا وانته وباق المسلمينا
ولاتمطر بدار ابن اللذينا=على شط البحر ترس السفينه
طاح المطر ياصاحبي ولا كلام=كم واحدن من العطش يابس فمه
الطق يثر فالحديد وفاللحام=افهم كلامي يالعتيبي والزمه

ليا صليت يا مطني فريضه=يزيد الخير والدنيا عريضه
نداوى القلب والعين المريضه=علـى شـاط البحـر مرسـى السفينـه
ترا الجمل لو كان ما فوقه سنام=اليا هدر ترخي لهاته برطمه
اللي عطاك الرمح واعطاك الحسام=يبصم بهامه عقب وقع بقلمه

ترا الجمل لو كـان مـا فوقـه سنـام اليـا هــدر تـرخـي لهـاتـه برطـمـه اللي عطاك الرمح واعطاك الحسام يبصـم بهامـه عـقـب وقــع بقلـمـه

المشاركة الأصلية كتبت بواسطة مطني الروقي (المشاركة 1087169) ابراهيم الجذع وش حيلتنا في السحور؟ صح لسانك يامبدع والله لايهينك