سلام الله عليكم كلكم و الراس نفس الراس =لكن الوقت عيّا يستوي عرضه مع طوله
على قصر الشتا و الصيف شفت العالم الحرّاس=تطالع توّ باب القصر جثّة شيخ مقتوله

هلا يامرحبا ترحيب ماهو من كلام الناس=لو الترحيب قصرٍ خزنته ماهي بمقفوله
غشيم اللي يقول إن المعاني حبر بالقرطاس=والأغشم من يقول إن العبير يقاس بالتوله!

المشاركة الأصلية كتبت بواسطة علي الشهراني (المشاركة 1086087) ارحب ارحب يا حبيب الشعب على فكره متى طلعت من الحاااير ؟ و صح بدنك و مشكوووووووور و لاهنت

يجوز الجن عندك تفطر و تقضي يبو نوّاس=لكن الله يرد الغايب اللي غاب مرسوله
و الاغرب كيف حطيتو الفحم في خزنة الالماس=ترا بعض السوالف يا المطيري غير معقوله

بعد ماجابت الدنيا كليب الله خلق جساس=ترى ماكل شعره فالوجيه البيض مفتوله!!
على راسك عمامه من ذهب .. ولا عليك لباس=وعلى العتبان شرهات الرجال تكون مدبوله!!

كليت الحار و احمرّت عيونك يا شديد الباس=و تصبح مثل ما تمسي عباره قبل مقيوله
لونّ الله عطاك اللي عطاني كان جبت الفاس=وقصيّت الغصون اليابسه يا شاعر الدوله

تعلمك الليالي يالخبير الماهر الغطاس=ويخبرك اللبيب إنك خسرت بهذي الجوله!!
عطوك جناح يبغونك تسوي مثل إبن فرناس=وأنا يمناي في درب العلا ماهي بمشلوله!!

عرفت الحق مر و من يدوس البيّنه ينداس=على الله يا وجيهٍ بالعسَل و السمْن مغسوله
يقولون الزلامي ما نقَض بيتين ابو دوّاس=و انا اقول الزلامي حطّها في راس مجهوله