|
محاوره اقوى من القويه بين مستور و ابن وسام
:)بسم الله الرحمن الرحيم
السلام عليكم ورحمة الله وبركاته اقدم لكم محاوره قويه بين مستور ابو تركي و سلطان بن وسام وابداع مستور هذا من رايي اليكم المحاوره http://il.youtube.com/watch?v=Xq_Q0l...eature=related |
عز الله قويه بس الخطر وسيعة لا هنت يا أبوحمد |
لاهنت يا اخوي حكيم
على المرور اكيد شاعر المحاوره صدره وسيع |
محاورة قوية سلمت يمينك على النقل |
لاهنت اخوي بن رفاع
على مرورك الذي اسعدني |
يعطيك العافية ياأخوي ابو حمد : ) والمحاورة بالفعل ناريه وقوية وصدورهم وسيعه وكلها مزح والمحاورة عندي بصوت الصفوف كاملة بصوت واضح جدا ثواني وانزلها |
|
المحاوره هاذي ف الرياض قبل سبع سنوات وربما أكثر بحضور الشاعر الكبيرحبيب العازمي.. وطواريق الحفله كلها قويه ومنها طاروق حبيب ومستور.. مستور كان ما أحطها بين اللحم والعظام *** حالف أني لا أرد يميني شمالها.. فرد حبيب.. والله وثم والله ثم علي الحرام*** لو تجيب أكبر مصيبه لتشتالها. وفاخر الحفل حصلت هوشه بين مستور والهاجري.. وانقطع الشريط....ولا أدري وش حصل.... ثم لعب حبيب ومستور مـــــوال .. لم يستمر طويلا ... وانتهت الحفله.. شكرا يا ابوأحمد واعذرني على الأطاله:) |
لاهنتوا على المرور
يا اسير القوافي و صميدع وعادي خذوا راحتك يا صميدع ومشكور على الرابط يا اسير القوافي |
يعطيك العافية على النقل الموفق تقبل مروري |
لاهنت على النقل الزين يا بوحمد
|
ماصار هوشة ولا شي أنا كنت حاضرها شخصيا
والحفلة عند عيال عمي فالرياض على طريق جابر |
لاهنتوا على المرور
يا ابو مرحبا و حجاب العتيبي و العازمي |
صدقت أخوي فهد ،، الحفله ماحضرتها انا مير من محاورة مستور وسلطان كل بيت يضحكون ولا فيه داعي تثار مشكلة ،، واخر بيت وش يقول مستور:
يعني انسى اللي قلناه وادفنه تحت التراب ،، وبعدها على طول سلطان يضحك يقول للصفوف كملو بيت مستور اللي كتبته قبل ،، مافيه هوووشه ان شاءالله ،، تقبلوو مروري |
المحاوره كانت عندي شريط فيديو ...و الهوشه حصلت أخذوا العلم الوكاد.... والصفوف اتجهوا الى مكان جلوس الشعار... ثم انقطع الشريط الى مدة ربع ساعه تقريبا.. بعدها ..لعبوا حبيب ومستور موال ..واااثار الغضب واااضحه عليهم.... . وكان وااضح من موال حبيب ان فيه مشكله حاصله... والموال لا يحضرني.منه شي.. ولكن سأبحث عن الشريط ....وأورد الطواريق كلها وخاصه المــــــــوال...... |
شكرآ لك يا ابو احمد والمحاوره قويه وجميله
وخاصه خطرهم على بعض زينه في المقطع |
ياصميدع انا حاضر الحفله
ماصار هوشه الله يعطيك العافيه الحفله صار فييها لخبطه من الجمهور وبعدها انفلت الحفله وكان هذا الفعل ربما بفعل فاعل ربما كان من شخص يريد تخريب الحفله لا هوشه ولاغيره والشي الثاني محاوره قويه وحماسيه والمزوح قويه ومن باب الميانه شكرا لكم تقبلو مروري |
الله الله على لعب الممتاز بين الشعار الكبار
|
اقتباس:
قلت لك الحفل عند عوازم عند عيال عمي عند عبدالرحمن بن سريع العازمي في القاعة الدولية والحفلة لم يحدث فيها أي هوشة إطلاقا فيه تدافع جماهيري وطاح شماغ سلطان الهاجري وكان أحد زملائي شهراني قريب من الهاجري وقال الشهراني ياسلطان هذا شماغي علي الطلاق لتاخذه واخذه الهاجري وهو يضحك هذا من ناحية التدافع وأغلب الناس يعرف سبب التدافع أما من ناحية الشعراء فيما بينهم الشعراء يمزحون بينهم ويوم إنتهو ا من هذا الطاروق جاء مستور يبي يحب على راس سلطان الهاجري ونصاه الهاجري وسلم على خشم مستور وهم يضحكون وأتمنى إنك ماتحكم على الشيء بها الطريقة ولا تكذب أحد قل أن لاحطت كذا وكذا وش السالفة وتلقى من يعطيك الخبر تفبلوا شكري ومحبتي جميعااااااااااااااااااا |
يافهد الموضوع مايسوى كل هالكلام
ان كان صميدع مكذبنا هذا شي ثاني وبعدين الحفله قدييييييييييييييمه قبل ست سنوات او اكثر وصحيح كانت عند ابن سريع وكان سلطان الهاجري شاعر امسيه في نفس الحفله ومسالة ان فيه هوشه هذا مهو صحيح ويوم انقطع التصوير ياصميدع انقطع لان الكاميرا طاحت فجاة من تدافع الجمهور والصفوف والحفله كملوها الشعار وانتهت على خير بعدين هرجن فالفايت نقصن فالعقل ولامهونتن لفهد علي |
لاهنتوا جميعا على المرور كلكم
وترى الموضوع ما يستاهل تهاوشوا ما تهاوشوا عادي |
| الساعة الآن »06:55 AM. |
Arabization
iraq chooses life
Powered by
vBulletin®
Version 3.8.2
.Copyright ©2000 - 2025, Jelsoft Enterprises Ltd